«Eýropa arýy» atanǵan Áıgerim Ábilqadyrova qarsylasyn nege tistep alǵanyn ashyp aıtty

Franııanyń astanasy Parıjde ótken Grand Slam týrnıriniń alǵashqy jarys kúninde Áıgerim Ábilqadyrova sportqa jat áreketimen kózge túsip, qarsylasynyń aıaǵyn tistep alǵan bolatyn.

Osy oqıǵaǵa baılanysty sportshy mundaı qadamǵa nelikten barǵanyn aıtty.

«Barlyq dıvan synshylaryna jaýap bereıin. Parıjdegi Grand Slam týrnırinde men belgııalyq sportshymen kúrestim. Ol meniń shyntaq býynymdy tartyp, aýyrtý ádisin jasady. Men berilgenimdi bildirip, belgi berdim. Biraq belgııalyq sportshy buǵan qaramaı, qolymdy syndyra bastady.
Osydan soń sol jaq býynymnyń qytyrlaı bastaǵanyn estip, amalsyzdan jáne qatty aýyrǵandyqtan avtomatty túrde ony tistep aldym. Onyń ústine, tóreshi bul jaǵdaıǵa múlde mán bermeı, beldesýdi toqtatpady. Aıtpaqshy, maǵan teris pikir jazyp jatqan er adamdar, eger sonshalyqty batyr bolsańdar, maǵan óz nomerlerińdi jazyńdar. Eger shamań jetse, bárin betime aıtyp kór», — dedi Áıgerim.

Áıgerim Ábilqadyrova Parıjdegi týrnırdiń birinshi aınalymynda utylyp qalǵan.

Ol dzıýdodan 11 dúrkin Qazaqstan chempıony jáne grepplıngten Azııa, álem chempıony atanǵan. Jaraqatyna baılanysty sporttan úzilis alyp, «Eýropa arýy» ataǵyn ıelengen. Qazir ol el chempıonatynda jeńiske jetip, ulttyq quramaǵa qaıta oraldy

Erkeǵalı BEISENOV,

ASTANA

View this post on Instagram

A post shared by Abılkadırova Aıgerım Janatovna (@ab_aigerimm)