قازاقستان اكروباتشىسى الەم چەمپيوناتىنىڭ فينالىنا شىقتى

گرۋزيانىڭ باكۋرياني قالاسىندا فريستايل اكروباتيكادان ءوتىپ جاتقان الەم چەمپيوناتىندا ەرلەر اراسىنداعى ىرىكتەۋ جارىستارى اياقتالدى.

قازاقستان سپورتشىلارى اراسىنان تەك شەرزود حاشيرباەۆ فينالعا شىقتى. ول ىرىكتەۋ سىنىندا 106،79 ۇپاي الىپ، سەگىزىنشى ورىنعا تابان تىرەدى.

باسقا سپورتشىلارىمىزدان دىنمۇحامەد رايىمقۇلوۆ 18-ءشى (87،57 ۇپاي)، رومان يۆانوۆ 22-ءشى (61،33 ۇپاي)، ۇلانباكىر ومىرزاقوۆ 24-ءشى (46،98 ۇپاي) ورىندى يەلەندى.

داستان كەنجالين،

استانا