«ازيا بالالارى» ويىندارى: قازاقستان ەكى مەدال جەڭىپ الدى

رەسەي فەدەراتسياسىنىڭ كەمەرەۆو قالاسىندا قىسقى سپورت تۇرلەرىنەن ءوتىپ جاتقان ءىى «ازيا بالالارى» ويىندارىندا ەلىمىزدىڭ شورت-ترەكشىلەر ەكى مەدالدى جەڭىپ الدى.

قىزدار اراسىندا 1500 مەترگە جارىسۋدان ماليكا جولتابار قولا جۇلدەنى يەلەنسە، وى قاشىقتىقتا ۇلدار اراسىندا وتكەن دودادا مەيىرجان تولەگەن كۇمىس مەدالگە يە بولدى.

ءىى «ازيا بالالارى» ويىندارىندا حوككەيدەن قازاقستان قۇراماسى دا العاشقى جەڭىسىن تويلادى. بالالار ءوز توبىنداعى ەكىنشى ويىندا رەسەيدىڭ ساحا رەسپۋبليكاسىن 11: 0 ەسەبىمەن ۇتتى. حوككەيشىلەر جارىستاعى ءبىرىنشى ماتچىندا رف-نىڭ قيىر شىعىس فەدەرالدى وكرۋگىنىڭ قۇراماسىنان 3:7 ەسەبىمەن جەڭىلگەن بولاتىن.

ەندى حوككەيشى بالالار پلەي-وفف جولداماسى ءۇشىن كۋزباسس ايماعىنىڭ كومانداسىمەن وينايدى.

«ازيا بالالارى» ويىندارىنا ەلىمىزدىڭ حوككەيدەن بالالار كومانداسى مىنا قۇراممەن ايدىنعا شىعىپ جاتىر:

قاقپاشىلار: داناي شايكوۆ («اۆانگارد»، ومسك)، تانيرحان الپىسباەۆ – («بارىس»، استانا)

قورعاۋشىلار: الديار قالەلحان، نيكيتا لوماكو، دانيل مەدۆەدەۆ، ارعىن مۋكاشەۆ ء(بارى — «بارىس»، استانا)، راتى دۋرگليشۆيلي («سالاۆات يۋلاەۆ»، ۋفا)، سانجار يبراگيم، نيكيتا سيدورەنكو («سكا-يۋنوست»، ەكاتەرينبۋرگ)

شابۋىلشىلار: ءامىر الىپقارين، ءاليحان باقىت، ءادىلحان بەككەرەۆ، دانيل درونوۆ، داۆيد كاراپەتيان، رۋسلانبەك كارىم، بەكسۇلتان ماقىش، تيمۋر مەڭدىباەۆ، ايتۋار نۇرجانوۆ، الىشەر ساركەنوۆ، الەكساندر سيماحين ء(بارى — «بارىس»، استانا)، كورنەي كورنەەۆ – («اۆانگارد»، ومبى)، ارتۋر گلۋحيح («تورپەدو»، وسكەمەن).

باس جاتتىقتىرۋشى: گەورگي ۆەرەششاگين — «بارىس»، استانا.

قازىر قازاقستان قۇراماسى جالپىكوماندالىق  ەسەپتە 1 كۇمىس، 1 قولامەن ءۇشىنشى ورىنعا كوتەرىلدى.

داستان كەنجالين،

استانا