SportPress.kz Qazaqstan sport jańalyqtary
Tashkentte ótip jatqan bokstan álem chempıonatynyń onynshy kúni oınalǵan shırek fınalynda bizdiń bes sańlaǵymyz kelesi kezeńge joldama aldy. Bul týraly rast.kz habarlady.
Búgin shaıqasqa barlyq salmaq dárejelerindegi bylǵary qolǵap sheberleri qatysty. Bul 104 atlettiń arasynda 12 kýbalyq, 11 ózbekstandyq, 8 reseılik, 7 qazaqstandyq, bes-besten ıspanııalyq, grýzııalyq jáne franııalyq gúrzi judyryqty jigitter boldy.
Bizdiń úsh atletimiz – kúndizgi, tórt oǵlanymyz keshki sessııalarda sharshy alańǵa shyqty.
О́kinishtisi, kúndiz bizden rıngke birinshi bolyp rıngke kóterilgen 57 kelige deıingi salmaqtaǵy Serik Temirjanov kýbalyq Del-Reı Saıdel Orta Rodrıgestiń aldynda álsizdik kórsetti. Úsh raýndtyń qorytyndysy boıynsha Bostandyq aralynan kelgen jigit 5:0 esebimen basym tústi. Osylaısha munyń aldyndaǵy, 2021 jylǵy álem chempıonaty men 2022 jylǵy Azııa chempıonatynyń kúmis júldegeri bul joly medalsyz qaldy.
Esesine, budan keıin shaıqasqan sańlaqtarymyz sońǵy jekpe-jekke deıin túgel jeńiske jetti. Aldymen 71 kelige deıingi salmaqta synǵa túsken komanda kapıtany Aslanbek Shymbergenov franııalyq Makan Traoreni 5:0 etip utty. Ol urystyń birinshi jáne ekinshi raýndtarynda qarsylasyn eki ret nokdaýnǵa túsirdi. Sodan keıin 80 kelige deıingi salmaqtaǵy Nurbek Oralbaı Azııanyń 2022 jylǵy chempıony, ıordanııalyq Eshaısh Hýsseın Iashaıshty typyr etkizbeı, tusaýlap tastady. Nátıjesinde tóreshiler onyń utysyn 5:0 dep baǵalady.
Keshki sessııada 48 kelige deıingi salmaqtaǵy Sanjar Táshkenbaı jarys shymyldyǵyn ashyp berdi. Japon Kazýma Aratakemen kúsh synasqan ol qarsylasyn bir ret birinshi raýndta nokaýtqa jóneltti. Qorytyndyda onyń 5:0 esebimen utqanyna eshkimniń kúmáni bolmady. Sodan soń ganalyq Mohammed Amadýmen judyryqtasqan 54 kelige deıingi salmaqtaǵy Mahmýd Sabyrhan da osyndaı qarqynnan tanbady. Boıy da uzyn, qoly da uzyn básekelesinen aılasyn asyra bilgen bizdiń oǵlan aqyrǵy esepti 5:0 etip óz paıdasyna sheshti. Sońǵy jeńistiń avtory 67 kelige deıingi salmaqtaǵy Dýlat Bekbaýov boldy. Ol meksıkalyq Mıgýel Angel Martınespen teketires urysta únemi bir qadam alda júrip otyrdy. Osyǵan oraı 5:0 degen eseppen jeńisti qanjyǵasyna baılady.
Shırek fınaldyń eń sońǵy shaıqasy 92 keliden aýyr salmaqtaǵy Qamshybek Qońqabaev pen ózbek Bahodır Jalolovtyń arasynda ótti. Negizinen teń deńgeıde ótken jekpe-jektiń ár raýndy men qorytyndy baǵasy alań ıesine berildi.
Jalpy, tóreshiler tarapynan ózbek boksshylary qaraı búırek burý, kórer kózge ózgeniń jeńisin tartyp áperý óte kóp bolyp jatyr. Ol búginniń ózinde birneshe ret qaıtalandy. Mysaly, 75 kelige deıingi salmaqta vengrııalyq Pılıp Akýlov ózbek Alohon Abdýllaevqa qaraǵanda, soqqyny dál ári qatty berip otyrǵanyna qaramastan, sońynda jeńis ıesi alań ıesi bolyp shyǵa keldi. Mundaı soraqylyq 67 kelige deıingi salmaqtaǵy Asadhýdja Mýıdıhýdjaevtyń kýbalyq Ronel Iglesıas Stolongo arasyndaǵy aıqastyń aqyrynda da oryn aldy. Sol sııaqty 51 kelige deıingi salmaqta ózbek Hasanboı Dýsmatov japon Tomoııa ýboıdan basym bola qoıǵan joq.
Aıtqandaı, osy kúni Qytaı quramasy sapyndaǵy eki qazaq jigiti de rıngke shyqty. Olardyń birinshisi – Toqtarbek Tańatqan 80 kelige deıingi salmaqta Olımpııalyq oıyndardyń eki dúrkin chempıony, álem chempıony, kýbalyq Arlen Lopespen jeńip, úlken sensaııa jasady. Ekinshi qandasymyz – Danabek Baıǵazy 92 keliden aýyr salmaqta taǵy bir kýbalyq – Alehandro Arzola Lopesten upaı sanymen jeńilip qaldy.
Sonymen, bizdiń bes jigitimiz jartylaı fınalǵa shyqty. Olar fınalǵa shyǵý úshin mynadaı qarsylastarmen shaıqasady:
48 kg. Sanjar Táshkenbaı – Edmond Hýdoıan (Reseı), 54 kg. Mahmýd Sabyrhan – Iosvanı Soto Veıta (Kýba), 67 kg. Dýlat Bekbaýov – Lasha Gýrýlı (Grýzııa), 71 kg. Aslanbek Shymbergenov – Nıshant Dev (Úndistan), 80 kg. Nurbek Oralbaı – Imam Hataev (Reseı).
Erteń,11 mamyrda bokshylar tynyǵady. Odan ary, 12 mamyrda jartylaı fınaldyq aıqastar ótedi, al fınal 13-14 mamyr kúnderi oınalady.
