قىتايدا XIX ازيا ويىندارىنىڭ الاۋى تۇتاندى

بۇگىن قىتايدىڭ چجەتسزيان پروۆينتسياسىنداعى ليانچجۋ قالاسىندا XIX ازيا ويىندارىنىڭ الاۋى جاعىلدى.

قازاقپاراتتىڭ قحر-داعى مەنشىكتى ءتىلشىسىنىڭ حابارلاۋىنشا، الاۋ رەسمي تۇردە 2022 جىلعى XIX ازيا ويىندارىنىڭ اشىلۋىنا 100 كۇن قالعانىندا تۇتاندى.

بيىلعى ويىندار حانچجوۋ قالاسىندا 23 قىركۇيەك پەن 8 قازان ارالىعىندا بولادى. بۇل جارىس بىلتىر 10-25 قىركۇيەگى ارالىعىندا بولۋى كەرەك ەدى. الايدا ول كوروناۆيرۋس ينفەكتسياسىنىڭ ورشۋىنە بايلانىستى كەيىنگە شەگەرىلدى.

قىتايدا ازيا ويىندارى وسىمەن ءۇشىنشى رەت وتكىزىلەدى. العاشقى جارىس 1990 جىلى بەيجىڭدە، ودان كەيىن 2010 جىلى گۋانچجوۋدا بولعان ەدى.

بيىلعى دودادا 40 سپورت تۇرىنەن جارىستار، 61 ديستسيپلينا جانە 483 ءىس-شارا وتەدى. كيبەرسپورت پەن برەيك-دەنس جارىستارى ازيا ويىندارىندا العاش رەت بولادى. وعان قازاقستاننان 12 مىڭ سپورتشى قاتىسادى.

داستان كەنجالين،

استانا