ۋيمبلدون ءتۋرنيرى: رىباكينا ەكىنشى اينالىمعا شىقتى (ۆيدەو)

الەمنىڭ ءۇشىنشى راكەتكاسى ەلەنا رىباكينا ۋيمبلدون ءتۋرنيرىنىڭ ەكىنشى اينالىمىنا شىقتى. بۇل تۋرالى قازاقستان تەننيس فەدەراتسياسى حابارلادى.

بيىلعى جارىستا رىباكينا باستى فاۆوريتتەرىنىڭ ءبىرى بولىپ سانالادى.

قازاقستان تەننيسشىسى العاشقى اينالىمدا الەمنىڭ 49-راكەتكاسى، امەريكالىق شەلبي رودجەرسپەن كەزدەسىپ، ونى 6:4، 6:1، 6:2 ەسەبىمەن ۇتتى، دەپ حابارلادى قازاقستان تەننيس فەدەراتسياسى.

ماتچتا رىباكينا 2:0 ەسەبىمەن برەيكپەن العا شىعىپ، سول باسىمدىلىعىن سەت بىتكەنشە ساقتاپ قالدى. ەكىنشى سەتتە دە تەننيسشىمىز 5:0 ەسەبىمەن برەيكپەن العا شىعىپ، – 6:4 ەسەبىمەن جەڭدى.

ءۇشىنشى سەتتى دە رىباكينا برەيكپەن باستاپ، ەسەپتى 6:2-گە جەتكىزدى.

ويىن 1 ساعات 43 مينۋتقا سوزىلدى. وسى ۋاقىتتا تەننيسشىمىز  12 ەيس جاساپ، 9 برەيك-پوينتتىڭ تورتەۋىن پايدالاندى.

ەندى ەلەنا رىباكينا ءۇشىنشى اينالىمعا شىعۋ ءۇشىن الەمنىڭ 74-راكەتكاسى، فرانتسيالىق اليزە كورنە نەمەسە رەيتينگتە 127-ساتىدا تۇرعان جاپونيالىق ناو حيبينومەن كەزدەسەدى.

«ۇلكەن دۋلىعا» ءتۋرنيرىنىڭ 20 دۇركىن جەڭىمپازى رودجەر فەدەرەر مەن ۇلىبريتانيا جانە سولتۇستىك يرلانديا كورولدىگىنىڭ حانشايىمى كەترين ميددلتون تاماشالادى.