قازاقستان – فينليانديا ماتچىنا ارنايى اۆتوبۋستار ستاديونعا قاتىنايدى

بۇگىن «استانا ارەنا» ستاديونىندا فۋتبولدان 2024 جىلعى ەۋروپا چەمپيوناتى ىرىكتەۋ ءتۋرنيرىنىڭ اياسىندا بولاتىن قازاقستان مەن فينليانديا ۇلتتىق قۇراما كوماندالارىنىڭ ماتچىنا جانكۇيەرلەردى ارنايى اۆتوبۋستار اپارادى.

استانانىڭ بەس تۇراق تورابىنان ارنايى شاتتل-اۆتوبۋستار جۇرەدى، دەپ حابارلادى استانا قالاسى اكىمدىگىنىڭ رەسمي سايتى.

اۆتوبۋستار مىنا جەردەن قاتىنايدى:

— «استانالىق تسيرك» اۆتوتۇراعى;
— «قازاقستان» سك اۆتوتۇراعى;
— «ازىرەت سۇلتان» مەشىتىنىڭ تۇراعى;
— «ءابۋ ناسىر ءال-فارابي» مەشىتىنىڭ تۇراعى (نۇر-استانا);
— «جاستار» سارايى تۇراعى.

شاتتل-اۆتوبۋستار تۇراقتاردان ساعات 19:00-دە قوزعالادى.

سونداي-اق، ماتچ اياقتالعان سوڭ فۋتبول كورەرمەندەرىنىڭ ىڭعايلىلىعى ءۇشىن قوسىمشا №№10، 12، 21، 26، 28، 37، 40، 49، 51، 53، 60 قالالىق جانە №303 قالا ماڭى باعدارلارى قابانباي باتىر داڭعىلىنداعى ايالدامادى تۇرادى.