Qazaqstan – Fınlıandııa matchyna arnaıy avtobýstar stadıonǵa qatynaıdy

Búgin «Astana Arena» stadıonynda fýtboldan 2024 jylǵy Eýropa chempıonaty irikteý týrnıriniń aıasynda bolatyn Qazaqstan men Fınlıandııa ulttyq qurama komandalarynyń matchyna jankúıerlerdi arnaıy avtobýstar aparady.

Astananyń bes turaq torabynan arnaıy shattl-avtobýstar júredi, dep habarlady Astana qalasy ákimdiginiń resmı saıty.

Avtobýstar myna jerden qatynaıdy:

— «Astanalyq ırk» avtoturaǵy;
— «Qazaqstan» SK avtoturaǵy;
— «Áziret Sultan» meshitiniń turaǵy;
— «Ábý Nasyr Ál-Farabı» meshitiniń turaǵy (Nur-Astana);
— «Jastar» saraıy turaǵy.

Shattl-avtobýstar turaqtardan saǵat 19:00-de qozǵalady.

Sondaı-aq, match aıaqtalǵan soń fýtbol kórermenderiniń yńǵaılylyǵy úshin qosymsha №№10, 12, 21, 26, 28, 37, 40, 49, 51, 53, 60 qalalyq jáne №303 qala mańy baǵdarlary Qabanbaı batyr dańǵylyndaǵy aıaldamady turady.