Kúresten ÁCh: Rızabek Aıtmuhan fınalǵa shyqty

Serbııanyń Belgrad qalasynda eresekter arasynda kúres túrlerinen ótip jatqan álem chempıonatynyń ekinshi kúni el qorjynyna alǵashqy júlde tústi.

86 kg salmaqta synǵa túsken Azamat Dáýletbekov qola júlde úshin talasta Bahreın balýanynan basym túsip, júldemen qosa Parıj Olımpıadasynyń joldamasyn aldy. Al 92 kg salmaqta kúsh synasqan Rızabek Aıtmuhan barlyq qarsylastaryn utyp, fınalǵa shyqty. Jartylaı fınalda ol osy salmaqtaǵy (92 kg) kóshbasshynyń biri grýzııalyq Mırıanı Maısýrazdeni  8:1 esebimen jeńdi.

Rızabek álem chempıonatyn ekinshi aınalymnan bastaǵan bolatyn. Ol áýeli majarstandyq Balash Iýhashty, sosyn túrkııalyq Feızýlla Aqtúrikti taza utty. Endi búgin ol Ázerbaıjannyń balýany Osman Nýrmagomedovpen beldesedi.

Shırek jáne jartylaı fınaldaǵy qarsylasym myqty boldy. Qazir olar álemdik reıtıngte menen joǵary tur. Feızýlla Aqtúrikten osyǵan deıin eki ret jeńilgenmin. Búgin sátin salyp, ese qaıtardym. Osy jekpe-jekten keıin boıymda senimdilik paıda boldy. Grýzııalyq balýandy barynsha sharshatýǵa tyrysyp, degenime jettim. Endi fınalda barymdy salyp, elimizge altyn medal alyp qaıtýǵa barymdy salamyn, — dedi Rızabek Týrızm jáne sport mınıstrligi Sportty damytý dırekııasynyń baspasóz qyzmetine bergen suhbatynda.

Rızabek Aıtmuhan – bıyl elimizdiń ǵana emes, álemdik kúres mamandarynyń joǵary baǵasyn alǵan bozkilem sheberi. Ol jyldyń basynda Almatyda ótken kúresten Qazaqstannyń VI Spartakıadasynda chempıon atandy. Osydan keıin kóktemde Astanada ótken eresekter arasyndaǵy Azııa chempıonatynda kúmis júldege ıe boldy. Sondaı-aq, Iordanııanyń Amman qalasynda ótken jastar arasyndaǵy álem chempıonatynda ekinshi oryn aldy.

Qazaqstan balýandary 1991 jyldan beri erkin kúresten ótken álem chempıonatynda 16 ret júldege ıe boldy. Onyń beseýi kúmis, qalǵany qola medal. Rızabek Aıtmuhanǵa deıin dúnıejúzi dodasynyń fınalynda Nurqoja Qaıpanov kúresken (70 kg, 2019 jyly Nur-Sultan qalasy).

Aıta ketetin bár nárse, 92 kg deıingi salmaq Olımpıada baǵdarlamasyna kirmeıdi.

Budan basqa 57 kelidegi Meırambek Qartbaı qola júldege talasady. Ázirshe onyń qarsylasy belgisiz. 74 kelidegi Nurqoja Qaıpanov pen 79 kelidegi Bolat Saqaevtar jubanysh beldesýinde kúsh synasady.

Qazir AQSh quramasynyń balýandary 3 altyn, 1 qola júldemen jalpykomandalyq esepte top bastap tursa, Iran quramasynda 1 altyn, 2 kúmis medal bar. Grýzııada 1 kúmis, 1 qola, Reseıde 1 kúmis medal. Qazaqstan, Túrkııa, San-Marıno, Bolgarııa, Qyrǵyzstan jáne Armenııa balýandary bir-bir qola júldeni ıelenip otyr.

Búgin erkin kúres sheberleri 65, 97 kelide beldesýlerin ótkizse, áıelder kúresinen 55, 59 kelide irikteý kezeńi bastalady.

Shamken BAIYRBEK,

ASTANA

FOTO: Týrızm jáne sport mınıstrligi Sportty damytý dırekııasy