SportPress.kz قازاقستان سپورت جاڭالىقتارى
دزيۋدودان استانادا ءوتىپ جاتقان Qazaqstan Barysy Grand Slam ءتۋرنيرىنىڭ ءبىرىنشى كۇنىندە عاليا تىڭباەۆا (-48كگ) فينالعا شىقتى. ول جارتىلاي فينالدا الەم چەمپيوناتىنىڭ كۇمىس جۇلدەگەرى، ەۋروپا چەمپيونى، Grand Slam جارىستارىنىڭ جەڭىمپازى فرانتسيالىق شيرين بوۋكليدى جەڭدى، دەپ حابارلادى قازاقستان دزيۋدو فەدەراتسياسى.
عاليا تىڭباەۆا جارىس ۇزدىگى رەتىندە الەمدىك دودانى ەكىنشى اينالىمنان باستادى. ول ءوز توبىندا تۋنيس، قىتايدىڭ تايپەي مەن تۇركيا ەلدەرىنىڭ سپورتشىلارىنان ايلاسىن اسىردى.
فينالدا عاليا تىڭباەۆا Grand Slam جانە Grand Prix چەمپيونى سابينا گيليازوۆامەن (AIN) كەزدەسەدى.
سونداي-اق، ەرلەر اراسىندا 60 كەلىگە دەيىنگى سالماقتا باق سىنايتىن قۇراما كوشباسشىسى ەلدوس سمەتوۆ قولا جۇلدە ءۇشىن بەلدەسەدى.
استانا قالاسىنداعى جاقسىلىق ۇشكەمپىروۆ اتىنداعى جەكپە-جەك سارايىندا ءوتىپ جاتقان جارىستىڭ فينالدىق بەلدەسۋلەرى ساعات 17:00-دە بولادى.
