Aýyr atletıkadan ÁCh: Qazaqstan taǵy altyn medal aldy

Aýyr atletıkadan Perýdiń astanasy — Lımada jasóspirimder arasynda ótip jatqan álem chempıonatynda Qazaqstan qorjyny taǵy eki medalmen tolyqty.

Qyzdar arasynda 76 kelige deıingi salmaqta baq synaǵan Aıanat Jumaǵalı álem chempıony atandy. Ol serpe jáne julqa kóterýde 222 kelini basyna kóterip, qarsylastarynan oq boıy ozyp ketti.

Kúmis medaldi fınlıandııalyq Mını Hormavırta (211 kg), qola júldeni úndistandyq Sanjana (210 keli) ıelendi.

Sondaı-aq, qyzdar arasynda 81 kelide pomostqa shyqqan Sánııa Ormanbaeva jalpy esebi 201 kelini kóterip, qola júldeger atandy.

Eske sala ketsek, buǵan deıin Aqjol Qurmanbek kúmis, Nurdos Sabyr altyn medaldi jeńip alǵan bolatyn.

Dastan KENJALIN,

ASTANA