Karateshi Elnur Daýylbaı álem chempıonatyn jeńip aldy

Japonııanyń astanasy – Tokıo qalasynda ótken kıokýshınkaı karateden álem chempıonatynda otandasymyz Ernur Daýylbaı altyn medal jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Ol 17 jasynda osyndaı mańyzdy jetistikke jetip, tynymsyz eńbektiń arqasynda kezekti ret qurmet tuǵyryna kóterildi.

Elnur Daýylbaı 2007 jyly 10 qarashada Astana qalasynda dúnıege kelgen. 2014 jyly Astana qalasyndaǵy №66 mektepke barǵan. Al bir jyldan keıin «Astana English School» mektebine aýysyp, úzdik oqýshylardyń biri, ári qurdastaryna úlgi boldy.

Onyń karatedegi joly 7 jastan bastalady. Ol alǵashqy qadamyn «Astana karate» ortalyǵynda jattyqtyrýshy Arman Muhamedrahymnyń jetekshiligimen jasady. Keıingi jyldary onyń daıyndyǵyn Qazaqstan kıokýshınkaı KWF federaııasynyń jattyqtyrýshysy Darhan Raqymjanov qadaǵalap, sportshyny jańa deńgeıge kóterdi.

Sporttaǵy 10 jyldyń ózinde Elnur Daýylbaı 32 altyn medal, 22 kúmis, 28 qola júlde men 26 kýbok jeńip aldy. Ol 16 jastan asqanda karateden sport sheberi ataǵyn aldy.

Elnur Daýylbaıdyń jetistigi:

2022 jyl – Azııa chempıony.

2024 jyl – Qazaqstan chempıony.

2024 jyl – Eýropa chempıony (65 kg salmaq dárejesinde). Ol Túrkııada ótken VII Eýropa chempıonatynda top jardy.

2024 jyl – álem chempıony (Tokıo).

Jyl saıyn Elnur Daýylbaı Germanııa, Nıderland, Reseı, Túrkııa jáne Japonııa sııaqty elderde ótetin jarystarǵa qatysyp, jarysqa jaqsy daıyndyǵyn kórsetip keledi. Ol álem chempıony ataǵyn jeńip alý úshin myqty tártip, kúndelikti jattyǵýlar men otbasynyń qoldaýy bolý kerek deıdi.