كوركەم گيمناستيكادان اچ: قازاقستان تاعى ەكى جۇلدە الدى

سينگاپۋردا كوركەم گيمناستيكادان ءوتىپ جاتقان ازيا چەمپيوناتىندا قازاقستاننىڭ قورجىنىنا تاعى ەكى مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

قازاقستان كومانداسى توپتىق سايىستاعى 3 شىعىرشىق جانە 2 جۇپ ۇرشىقپەن جاتتىعۋدىڭ فينالىندا 26.650 ۇپايمەن جەڭىمپاز اتانسا، 5 لەنتا باعدارلاماسىندا (24.100 ۇپاي) كۇمىس مەدال يەلەندى.

3+2 باعدارلاماسى:

1. قازاقستان — 26.650 ۇپاي
2. وزبەكستان — 25.150
3. وڭتۇستىك كورەيا — 24.250

5 لەنتا ناتيجەسى:

1. وزبەكستان — 25.850
2. قازاقستان — 24.100
3. وڭتۇستىك كورەيا — 20.850

كەشە قۇراماداعى ءبىر توپ گيمناسشىمىز (جاسمين جۇنىسباەۆا، ايزەرە كەڭەس، مادينا مىرزاباي، ايدا حاكىمجانوۆا، كريستينا چەپۋلسكايا) توپتىق جاتتىعۋدان كوپسايىستا التىن مەدال العان ەدى.