SportPress.kz Qazaqstan sport jańalyqtary
Túrkistan oblysynyń sportshylary ótken aıda óte jaqsy óner kórsetti. Atap aıtsaq, Shrı-Lankanyń Kolombo qalasynda jastar arasynda ótken Azııa chempıonatynda 8 altyn medaldi jeńip aldy, dep habarlady Túrkistan oblysy ákiminiń baspasóz qyzmeti.
Mysaly, eskek esýden Qytaıda ótken Azııa chempıonatynda úsh altyn júldeni ıelendi. Sonymen qatar Astana qalasynda para dzıýdodan uıymdastyrylǵan álem chempıonatynda eki sportshy altynnan alqa taǵyndy. Oblys ákimi Nuralhan Kósherov Qazaqstannyń Ánuranyn sharyqtatqan osy sportshylardy qabyldap, qurmet kórsetti.
Sizder halyqaralyq deńgeıde el namysyn laıyqty qorǵap, Qazaqstannyń kók baıraǵyn bıikte jelbiretip, Túrkistannyń abyroıyn kóterdińizder. Osy jetistikterińiz – prezıdent tapsyrmasynyń naqty oryndalyp jatqanynnyń aıqyn dáleli. Memleket basshysy Qasym-Jomart Kemeluly Toqaev óz joldaýynda «Sport – ult densaýlyǵy men jas urpaqtyń bolashaǵyna salynǵan ınvestıııa. Biz jas talanttardy qoldaýǵa jáne sport ınfraqurylymyn damytýǵa basa mán berýimiz kerek» dep atap ótken bolatyn. Oblysta osy baǵytta tıisti jumystar júrýde. Jyl saıyn jańa sport nysandary salynyp jatyr. 2024 jyly 73 sport nysanynyń qurylysy aıaqtalyp, paıdalanýǵa berildi. 2025 jyly taǵy 51 nysannyń qurylysyn aıaqtaý josparlanýda. Biz, oblys basshylyǵy, sportshylarǵa jáne olardyń jattyqtyrýshylaryna barynsha qoldaý kórsetip kelemiz jáne bul baǵyttaǵy jumystar jalǵasady. Aldaǵy jarystarda da jeńisti joldaryńyz jalǵasa bersin. Túrkistannan áli talaı chempıondar shyǵady dep senemiz! – degen Nuralhan Kósherov sportshylardy arnaıy marapattap, qarjylaı syıaqy tapsyrdy.
Kezdesýde dańqty boks jattyqtyrýshysy Myrzaǵalı Aıtjanov, bokstan Azııa chempıony Shuǵyla Nálibaı men eskek esýden Azııa chempıony Artıom Tereщenko sóz sóılep, sport salasyna qoldaý kórsetken oblys basshylyǵyna rızashylyqtaryn bildirdi. Aldaǵy baıraqty jarystarda jeńisti joldy jalǵastyrýǵa kúsh salatyndaryn jetkizdi.
Túrkistan oblysynda sport salasyn damytý baǵytynda júıeli jumys atqarylýda. О́ńirde sport nysandarynyń sany artýda. Qazir Túrkistanda halyqaralyq talapqa saı atshabar men eskek esý kanalynyń qurylysy júrip jatyr.
