ناريمان كۋربانوۆ تاعى دا ازيا چەمپيونى اتاعىن جەڭىپ الدى

وڭتۇستىك كورەيانىڭ چەچحون قالاسىندا ءوتىپ جاتقان سپورتتىق گيمناستيكادان ازيا چەمپيوناتىندا قازاقستان قورجىنىنا العاشقى التىن مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

ناريمان كۋربانوۆ ءوزىنىڭ وڭ جامباسىنا كەلەتىن تۇتقالى ات سناريادىنداعى جاتتىعۋدا توپ جاردى. پاريج وليمپياداسىنىڭ كۇمىس جۇلدەگەرى فينالدا 14.933 ۇپاي جينادى.

كۇمىس جارىس قوجايىنى ۆان حۋردىڭ (14.633 بالل)، قولا ۆەتنام وكىلى دان حۋان تيەنگە بۇيىردى (14.233 بالل)، — دەلىنگەن حابارلامادا.

فينالدا تاعى ءبىر وتانداسىمىز يلياس ازيزوۆ 13.933 بالل جيناپ، بەسىنشى ورىنعا شىقتى.

ناريمان كۋربانوۆ بىلتىر كوكتەمدە وليمپيادا قارساڭىندا وزبەكستاننىڭ استاناسىندا  ازيا چەمپيوناتىندا وسى جاتتىعۋدا التىن مەدالدى جەڭىپ العان ەدى.

داستان كەنجالين،

استانا