Kórkem gımngastıkadan ÁCh: Aqmaral Erekesheva eki dúrkin álem chempıony atandy

Aqmaral Erekesheva kórkem gımnastıkadan jasóspirimder arasynda Bolgarııanyń astanasy — Sofııa qalasynda ótip jatqan álem chempıonatynda taǵy bir altyn medaldi jeńip aldy. 

Ol chempıonattyń irikteý kezeńinde úsh saıystan fınalǵa joldama shyǵyp, júldeger qatarynan kórindi.

Erekesheva doppen jáne lentamen jattyǵýda altyn júldeni jeńip alsa, sheńbermen jattyǵýda kúmis júldeni ıedendi. Al buǵan deıin habarlaǵanymyzdaı, el quramasynan synǵa túsken taǵy bir gımnastymyz Aıǵanym Rysbek býlavamen jattyǵýda besinshi oryn alyp qaldy.

Osylaısha, Aqmaral Erekesheva el quramasynan kórkem gımnastıkadan jasóspirimder arasyndaǵy álem chempıonatynda jeńiske jetken sanaýly sportshynyń biri bolyp otyr.

Dastan KENJALIN,

ASTANA