Tennısshi qyz-jigitter Qazaqstan chempıony atandy

Astana qalasynda tennısten eresekter arasyndaǵy Qazaqstan chempıondary men jarystyń júldegerleri anyqtaldy.

Áıelder arasynda osy jarystyń 1-raketkasy Jibek Qulambaeva esh talassyz el chempıony ataǵyn jeńip aldy. Ol fınalda chempıonattyń úshinshi raketkasy bolyp tirkelgen Arýjan Saǵyndyqovany 6:4, 7:6 (7:5) esebimen jeńdi.

Odan keıin qola medaldi Ińkár Dúısebaı Polına Slepovany 7:6 (7:5), 7:5 esebimen jeńip, ıelendi.

Erler arasyndaǵy fınalda 17 jastaǵy Ámir Omarhanov Temirtaý tennıs mektebiniń ókili Grıgorıı Lomakınmen oınap, ony birinshi sette 6:1 esebimen jeńdi. Osy arada Lomakın arqa jaraqatynyń mazalap jatqanyn aıtyp, jarysty jalǵastyra almady.

Osylaısha, Ámir Omarhanov alǵash ret eresekter arasyndaǵy Qazaqstan chempıony atandy. Qola júlde Islam Orynbasarǵa buıyrdy. Onyń qarsylasy Tımýr Maýlenov densaýlyǵyna baılanysty kortqa shyqpady.

Dastan KENJALIN,

ASTANA