Grek-rım kúresinen ÁCh: Qazaqstan balýandary taǵy eki júlde aldy

Grekııanyń astanasy — Afına qalasynda grek-rım kúresinen 17 jasqa deıingi jasóspirimder arasynda ótip jatqan álem chempıonatynda Qazaqstan quramasynyń qorjynyna taǵy bir kúmis, bir qola júlde tústi.

Bul joly Asqar Nurálı (55 kg) kúmis júldeger atansa,  Shamıl Dosbol (65 kg) qola medaldi ıelendi. Buǵan deıin osy dúrmekti dodada Nurdáýlet Qumaruly (48 kg) fınalda qarsylasynan jeńilip, ekinshi oryn alǵan edi.

Endi Jańajol Qýanyshbek (45 kg) fınalda kúresedi.

Quramanyń jattyqtyrýshylar quramy álem chempıonatyna Danııar Bazarbek (51 kg), Damır Aqon (60 kg), Marlen Meıirbekuly (71 kg), Mardanbek Makhambaev (80 kg), Ədilet Toıshy (92 kg), Baqtup Sovethandy (110 kg) apardy.

Dastan KENJALIN,

ASTANA