سەمسەرلەسۋدەن ءاچ: قازاقستان تاريحي قولا جۇلدەنى جەڭىپ الدى

سەمسەرلەسۋدەن گرۋزيانىڭ تبيليسي قالاسىندا ءوتىپ جاتقان الەم چەمپيوناتىندا ساپى سايىسىنان سىنعا تۇسكەن كيريلل پروحودوۆ، رۋسلان كۋربانوۆ، ۆاديم شارلايموۆ پەن ەلمير ءالىمجانوۆ تورتتىگى ءۇشىنشى ورىن جارىستا توعىز دۇركىن وليمپيادا چەمپيونى (1908، 1924، 1932، 1948، 1980، 1988، 2004، 2008، 2016) فرانتسيانى جەڭىپ، قولا جۇلدەگە يە بولدى دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

ەكى ەلدىڭ قۇراما كومانداسى 2023 جىلدىڭ شيرەك فينالىندا دا جولىعىپ، سول كەزدەسۋدە فرانتسيانىڭ سەمسەرلەسۋشىلەرى جەڭگەن ەدى. ەندى قازاقستان سپورتشىلارى اراعا ەكى جىل سالىپ، قارسىلاستارىن قاپى قالدىردى.

ەرلەر اراسىنداعى ساپى باعدارلاماسىنىڭ كوماندالىق سايىسى

قازاقستان — فرانتسيا  45:31

وسىلايشا، فرانتسيا ءۇش الەم چەمپيوناتىنان كەيىن جۇلدەسىز قالىپ وتىر. ولار 2019، 2022 جىلدارى التىن مەدال جانە 2023 جىلى كۇمىس مەدال العان.

بۇل — ەلىمىزدىڭ الەم چەمپيوناتىنداعى العاشقى مەدالى. ال رۋسلان كۋربانوۆ جەكەلەي سىندا مەدال العان جالعىز سپورتشى. ول 2023 جىلى ميلاندا وتكەن الەم چەمپيوناتىندا قولاعا يە بولعان.

قازاقستاننىڭ جارىستاعى جولى:

1/16 فينال. بەيتاراپ سپورتشىلار 45:35

1/8 فينال. قىتاي 38:37

1/4 فينال. يتاليا 45:43

1/2 فينال. جاپونيا 41:42

3-ورىن ءۇشىن تالاس. فرانتسيا 45:31