Semserlesýden ÁCh: Qazaqstan tarıhı qola júldeni jeńip aldy

Semserlesýden Grýzııanyń Tbılısı qalasynda ótip jatqan álem chempıonatynda sapy saıysynan synǵa túsken Kırıll Prohodov, Rýslan Kýrbanov, Vadım Sharlaımov pen Elmır Álimjanov tórttigi úshinshi oryn jarysta toǵyz dúrkin Olımpıada chempıony (1908, 1924, 1932, 1948, 1980, 1988, 2004, 2008, 2016) Franııany jeńip, qola júldege ıe boldy dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Eki eldiń qurama komandasy 2023 jyldyń shırek fınalynda da jolyǵyp, sol kezdesýde Franııanyń semserlesýshileri jeńgen edi. Endi Qazaqstan sportshylary araǵa eki jyl salyp, qarsylastaryn qapy qaldyrdy.

Erler arasyndaǵy sapy baǵdarlamasynyń komandalyq saıysy

Qazaqstan — Franııa  45:31

Osylaısha, Franııa úsh álem chempıonatynan keıin júldesiz qalyp otyr. Olar 2019, 2022 jyldary altyn medal jáne 2023 jyly kúmis medal alǵan.

Bul — elimizdiń álem chempıonatyndaǵy alǵashqy medali. Al Rýslan Kýrbanov jekeleı synda medal alǵan jalǵyz sportshy. Ol 2023 jyly Mılanda ótken álem chempıonatynda qolaǵa ıe bolǵan.

Qazaqstannyń jarystaǵy joly:

1/16 fınal. Beıtarap sportshylar 45:35

1/8 fınal. Qytaı 38:37

1/4 fınal. Italııa 45:43

1/2 fınal. Japonııa 41:42

3-oryn úshin talas. Franııa 45:31