II Túrki Ýnıversıadasy: Qazaqstan qorjynynda ázirshe bes altyn júlde bar

Osy kúnderi Qyrǵyz Respýblıkasynyń Cholpon-Ata qalasynda joǵary oqý oryndarynyń stýdentteri arasynda III Túrki Ýnıversıadasy bolyp jatyr.

Ýnıversıada 3 qyrkúıekte bastaldy. Ol 9 qyrkúıekte aıaqtalady.  Oǵan Túrki memleketteri uıymyna múshe elderdiń (Qazaqstan Respýblıkasy, Ázerbaıjan Respýblıkasy, Qyrǵyz Respýblıkasy, Túrkııa Respýblıkasy, О́zbekstan Respýblıkasy) stýdent-sportshylary qatysýda. Jarys voleıbol, fýtzal, ústel tennısi, shahmat, dzıýdo, erkin kúres jáne grek-rım kúresi sııaqty 7 sport túri boıynsha ótip jatyr.

Qazaqstan atynan  Ýnıversıadaǵa 15 joǵary oqý ornynan 66 sportshy bardy. Olar sporttyń 7 túri boıynsha kúsh synasýda.

Jalpy, II Túrki Ýnıversıadasy da osy 7 sport túri boıynsha 2023 jylǵy 5-10 qarasha aralyǵynda Túrkistan qalasynda ótkizilgen. Sol kezde oǵan Túrki memleketteri uıymyna múshe 5 elden 445 delegat qatysty.

Bıylǵy jarysta Qazaqstan stýdentteri ázirshe 5 altyn, 1 kúmis jáne 1 qola medal ıelendi. III Túrki Ýnıversıadasynda alǵashqy altyn júldeni Halel Dosmuhamedov atyndaǵy Atyraý ýnıversıtetiniń stýdenti Danııar Qulýshev 60 kg deıingi salmaq dárejesinde jeńip aldy.

Baıshev ýnıversıtetiniń stýdenti Gúlnur Bahanova Qazaqstan quramasynyń qorjynyna ekinshi altyn medaldi saldy. Odan keıin dzıýdodan M.H.Dýlatı atyndaǵy Taraz ýnıversıtetiniń stýdenti Ádilet Ahmetǵalı, Ál-Farabı atyndaǵy Qazaq ulttyq ýnıversıtetiniń stýdenti Muhamedáli Mavlıdov men Dene shynyqtyrý jáne buqaralyq sport akademııasynyń stýdenti Jasulan Halhabaev Ýnıversıada chempıony ataǵyn aldy.

Almaty gýmanıtarlyq-ekonomıkalyq ýnıversıtetiniń stýdenti Ińkár Týlepbergenova kúmis medal ıegeri atandy. Sondaı-aq Qazaq sport jáne týrızm akademııasynyń stýdenti Nurshat Kemelhanqyzy qola júldege ıe boldy.

Dastan KENJALIN,

ASTANA