Álı Álıev bas jattyqtyrýshy qyzmetinen ketetinin aıtty

Búgin fýtboldan Qazaqstan quramasy 2026 jylǵy álem chempıonaty irikteý týrnırindegi besinshi matchynda Belgııa komandasynan syrt alańda 0:6 esebimen jeńilip qaldy.

Qazaqstan quramasynyń bas jattyqtyrýshysy Álı Álıev alańǵa qaqpashy Temirlan Anarbekovtiń ornyna Muhammedjan Seısendi shyǵardy. Sondaı-aq Ular Jaqsybaev, Serikjan Mýjıkov, Sultanbek Astanov, Oralhan О́mirtaev negizgi quramda alańǵa shyqty.

Olardan basqa Ian Vorogovskıı, Álibek Kasym, Nuraly Álip, Ramazan Orazov, Ǵalymjan Kenjebekke ulttyq quramanyń jeıdesin senip tapsyrdy.

Matchta Qazaqstan quramasynyń qaqpasyna alty dop kirdi. Goldar 42-mınýttan bastap soǵyla bastady.

Kevın de Breıne 42, Jeremı Dokıý 44-mınýtta Seısenniń kúzetken qaqpasyna eki gol salyp, birinshi taımdy aıaqtady.

Ekinshi taımda Nıkolas Raskın 52-mınýtta gol soqsa, odan keıin Jeremı Doký 60, Kevın De Brıoıne 84-mınýtta ekinshi ret dopty torǵa toǵytty.

Tomas Mıone 87-mınýtta taǵy bir gol salyp, esepti 6:0-ge jetkizdi.

Osy jeńisinen keıin Belgııa quramasy ekinshi orynǵa kóterildi. Týrnır kestesinde kósh basynda Soltústik Makedonııa 11 upaımen keledi. Al Ýels úshinshi orynǵa 10 upaı alyp, shyqty. Qazaqstan quramasynda 3 upaı bar. Ázirge Lıhtenshteıniń qorjyny bos.

Búgin Soltústik Makedonııa quramasy Lıhtenshteındi 5:0 esebimen jeńdi.

Endi bul toptaǵy oıyndar 10 qazanda bolady. Osy kúni Qazaqstan quramasy Lıhtenshteınmen, Belgııa Soltústik Makedonııamen oınaıdy.

Belgııa komandasynan jeńilgennen keıin Qazaqstan ulttyq quramasynyń bas jattyqtyrýshysy Álı Álıev elge kelgende qyzmetinen ketetinin aıtty.

Dastan KENJALIN,

ASTANA