Dzıýdodan Azııa chempıonaty: Qazaqstan alǵashqy altyn júldeni aldy

Dzıýdodan Qazaqstan jasóspirimder quramasynyń qorjynyna Indonezııanyń astanasy Djakarta qalasynda bastalǵan Azııa chempıonatynda 1 altyn, 3 kúmis jáne 5 qola tústi.

El quramasynan Farhat Zeınolla (50 kg) chempıon atansa, Beknur Amangeldi (55 kg), Tańjaryq Momyntaı (60 kg), Zamanbek Baqtyǵalı (66 kg) kúmis medal aldy. Al Ábish Perdaly (50 kg), Aslan Erǵalıev (55 kg), Zere Talǵatqyzy (40 kg), Aıajan Rınatqyzy (48 kg) men Janaıym Maratbek (52 kg) qola medaldi qanaǵat tutty.

Qurlyqtyq doda 10-14 qyrkúıek aralyǵynda bolady.

Buǵan deıin Bolgarııanyń astanasy Sofııa qalasynda kadetter arasynda dzıýdodan álem chempıonatynda Qazaqstan balýandary bes medal aldy.

Dastan KENJALIN,

ASTANA