Bokstan ÁCh: Vıktorııa Grafeeva men Eldana Tálipova qola júldeger atandy

Bokstan Ulybrıtanııanyń Lıverpýl qalasynda ótip jatqan álem chempıonatynda Qazaqstan áıelder quramasynyń ókili Vıktorııa Grafeeva men Eldana Tálipova qola medalǵa ıe boldy.

Vıktorııa Grafeeva 60 kelige deıingi salmaqta jartylaı fınalyna deıin jetip, qola júldeni qanaǵat tutty.

Boksshy Brazılııanyń sportshysy Rebeka De Lıma Santospen qolǵap túıistirdi.

Jekpe-jekte tóreshilerdiń sheshimimen Ońtústik Amerıkanyń ókili jeńiske jetti.

Osylaısha, Vıktorııa Grafeeva (60 kelige deıin) Qazaqstan quramasynyń qorjynyna alǵashqy medaldi saldy.

Eldana Tálipova 80 keliden asa salmaqta el namysyn qorǵady. Ol jartylaı fınalda Polsha eliniń ókili Agata Kachmarskamen judyryqtasty.

Jekpe-jek qorytyndysy boıynsha polshalyq boksshy fınalǵa shyqty. Osylaısha, Qazaqstan quramasynyń qorjynynda eki qola júlde paıda boldy.

Qazaqstan áıelder quramasynyń kóshbasshysy Nazym Qyzaıbaı da jartylaı fınalǵa joldama aldy.

Burymdy bokshymyz 48 kelige deıingi salmaqta kúshin kórsetip jatyr. Shırek fınalda otandasymyz Ýkraınanyń sportshysy Anna Ohotamen qolǵap túıistirdi.

Nazym Qyzaıbaı alǵashqy raýndtan-aq aýyr soqqylarmen qarsylasyn eseńgiretip jiberdi. Nátıjesinje esh qıyndyqsyz 5:0 esebimen jeńiske jetti. Bul jeńisten keıin Nazym Qyzaıbaı kem degende qola medal alady degen sóz.

Aıda Ábikeeva fınalǵa joldama aldy. Ol 65 kelige deıingi salmaqta Merrı Ýolshpen (Irlandııa) kúsh synasyp, qarsylasyn jeńdi.

Erler arasynda Sanjar Táshkenbaı shırek fınalda 50 kelige deıingi salmaqta Sıngh Mandegbammen (Úndistan) bokstasty. Bul aıqasta otandasymyz esh qıyndyqsyz jeńiske jetti.

Dastan KENJALIN,

ASTANA