SportPress.kz Qazaqstan sport jańalyqtary
Álem chempıonaty 19–30 qyrkúıek aralyǵynda bolady. Oǵan 8 ben 12 jas aralyǵyndaǵy jas shahmatshylar qatysady, dep habarlady Týrızm jáne sport mınıstrligi.
Chempıonatqa qazirdiń ózinde 88 elden 850-den astam jas shahmatshy tirkeldi. Olardyń qatarynda Úndistannan (28), Qytaıdan (25), AQSh-tan (24) qatysýshylar bar. Qazaqstan chempıonat ıesi retinde 200-den astam oıynshyny qatystyrady.
Álemdik doda Týrızm jáne sport mınıstrligi, Almaty qalasynyń ákimdigi, Halyqaralyq shahmat federaııasy (FIDE) men Qazaqstan shahmat federaııasynyń (KazChess) uıymdastyrýymen jalaý kóteredi.
Búgin onyń ashylý saltanatyna premer-mınıstrdiń orynbasary Ermek Kósherbaev, Almaty qalasynyń ákimi Darhan Satybaldy, FIDE prezıdenti Arkadıı Dvorkovıch pen KazChess prezıdenti Tımýr Týrlov qatysty.
Buǵan deıin elimizde shahmattan kótpegen halyqaralyq jarystar, sonyń ishinde álem chempıonattary men erler arasyndaǵy álem chempıony ataǵy úshin match ótkizildi.
Byltyr Italııanyń Montesılvano qalasynda ótken álem chempıonatyna 77 elden 700-den astam jas shahmatshy qatysty. Bıylǵy chempıonatta qatysýshylar sany artyp, 88 elden 851 oıynshy, sonyń ishinde 231 qazaqstandyq tirkeldi.
Ashylý rásiminen keıin birden 1-týr bastaldy. Jalpy 19–30 qyrkúıek aralyǵynda shveıar júıesi boıynsha 11 týr bolady. Ýaqytty baqylaý – 90+30 formaty (ár partııaǵa 90 mınýt jáne alǵashqy júristen bastap ár qadamǵa 30 sekýnd qosylady).
11 týrdyń qorytyndysy boıynsha álem chempıondary, kúmis jáne qola júldegerler anyqtalady. Jarys uldar (Open) men qyzdar (Girls) arasynda alty jas sanatynda bolyp jatyr. Jas sanattary mynadaı: O8, G8, O10, G10, O12 jáne G12.
25 qyrkúıek – demalys kúni. Bul kúni jas sportshylar úshin arnaıy mádenı-sporttyq baǵdarlama uıymdastyrylady. Olar Shymbulaq taý-shańǵy kýrortyna ekskýrsııaǵa shyǵady (onda Halyqaralyq shahmat kúni – 20 shildede ashylǵan Minecraft stılindegi shahmat atynyń art-obektisi bar), sondaı-aq sheshim shyǵarý boıynsha álem chempıonatyna jáne júlde qory 2000 AQSh dollary bolatyn blı-týrnırge qatysa alady.
Chempıonat aıasynda 27–28 qyrkúıekte Satbayev University-de (Almaty, Sátpaev kóshesi, 22) «Bilim berýdegi shahmat» atty III halyqaralyq konferenııa bolady. Oǵan FIDE-niń Chess in education komıssııasynyń tóraǵasy, AQSh ókili Djerrı Nesh qatysady.
