SportPress.kz قازاقستان سپورت جاڭالىقتارى
استانادا رەسپۋبليكا كۇنىنە وراي جاقسىلىق ۇشكەمپىروۆ اتىنداعى جەكپە-جەك سارايىندا قازاق كۇرەسىنەن وتكەن «قازاقستان بارىسى – 2025» ءتۋرنيرىنىڭ جەڭىمپازى انىقتالدى.
فينالدا 2024 جىلعى «قازاقستان بارىسى» ەراسىل قاجىباەۆ پەن اسكەر بارىسى مارات بايقامۇروۆ كۇرەستى.
بەلدەسۋدىڭ ەكىنشى مينۋتىندا مارات بايقامۇروۆ قارسىلاسىنىڭ وسال تۇسىن تاۋىپ، جاۋىرىنىن جەرگە تيگىزدى.
بۇعان دەيىن جارتىلاي فينالدا ەراسىل قاجىباەۆ ءتۋرنيردىڭ باستى فاۆوريتى سانالعان «قارا بۋرا» لاقاپ اتىمەن تانىمال نۇرداۋلەت جارىلعاپوۆپەن كۇرەسىپ، ونى جەڭگەن ەدى. ال مارات بايقامۇروۆ اقتوبە وبلىسىنىڭ وكىلى ەراسىل امانگەلدىنى جارىس جولىنان شىعارعان بولاتىن.
ءۇشىنشى ورىن ءۇشىن بەلدەسۋدە «قارا بۋرا» اقتوبە وبلىسىنىڭ وكىلى ەراسىل امانگەلدىنى ءۇش دۇركىن قولا جۇلدەگەر اتاعىن يەلەندى.
رۇستەم جۇمان،
استانا
