رىباكينا قىتايداعى تۋرنيردە جەڭىمپاز اتاندى

قازاقستاننىڭ ءبىرىنشى، الەمنىڭ 9-راكەتكاسى ەلەنا رىباكينا قىتايدىڭ نينبو قالاسىندا وتكەن WTA 500 ءتۋرنيرىنىڭ جەڭىمپازى اتاندى، دەپ حابارلادى قازاقستان تەننيس فەدەراتسياسى.

ول فينالدا الەمنىڭ 10-راكەتكاسى، رەسەيلىك ەكاتەرينا الەكساندروۆامەن وينادى.

بۇعان دەيىن قارسىلاستار ءتورت رەت كورتقا شىعىپ، سونىڭ ۇشەۋىندە رەسەيلىك سپورتشى جەڭىسكە جەتكەن ەدى.

بۇل جولى دا ءبىرىنشى پارتيادا رەسەيلىك تەننيسشى 6:3 ەسەبىمەن جەڭدى. سودان كەيىن ەلەنا رىباكينا ەكىنشى سەتتە 6:0 ەسەبىمەن العا شىقتى.

ءۇشىنشى سەتتە ەسەپ 3:0 بولدى. ال ماتچتىڭ سوڭىندا وتانداسىمىز  قاتارىنان توعىز گەيمدە ۇپاي الىپ،  ماتچتى 6:2ەسەبىمەن برەيكپەن ءبىتىردى.

ماتچ ءبىر ساعات 58 مينۋتقا سوزىلدى. وسى ۋاقىتتا رىباكينا 11 ەيسپەن بىرگە 10 برەيك-پوينتتىڭ تەڭ جارتىسىن پايدالاندى. الەكساندروۆا 2 ەيس، 1 برەيكپەن (3 برەيك-پوينت) كوزگە ءتۇستى.

وسىلايشا، ە.رىباكينا بيىل ەكىنشى رەت تۋرنيردە جەڭىسكەي جەتتى. بۇعان دەيىن ول ستراسبۋرگتە (فرانتسيا) وتكەن WTA 500 جارىسىندا ۇزدىك شىققان ەدى.

ەندى رىباكينا دۇيسەنبى كۇنى توكيودا (جاپونيا) جالاۋى كوتەرىلەتىن WTA 500 دوداسىندا ەكىنشى راكەتكا بولىپ وينايدى. ول ەكىنشى اينالىمدا الەمنىڭ 27-راكەتكاسى، كانادالىق لەيلا فەرناندەسپەن نەمەسە رەيتينگىدە 55-ساتىدا تۇرعان گرەكيالىق ماريا ساككاريدىڭ بىرەۋىمەن كۇش سىناسادى.

تەننيسشى توكيودا جارتىلاي فينالعا دەيىن جەتسە، قاراشا ايىندا ساۋد ارابياسىنىڭ ەر-رياد قالاسىندا وتەتىن جىلدىڭ قورىتىندى تۋرنيرىنە جولداما الادى.