كاراتەدەن ءاچ: ديدار ءامىرالى مەن اسەل قاناي – قولا جۇلدەگەر!

بۇگىن مىسىردىڭ استاناسى كاير قالاسىندا ءوتىپ جاتقان جەكەلەي سىنداعى الەم چەمپيوناتىندا كۋميتەدەن 61 كگ دەيىنگى سالماقتا وتانداسىمىز اسەل قاناي مەن 67 كەلىگە دەيىنگى سالماقتا ديدار ءامىرالى ۇزدىك ۇشتىكتەن كورىندى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

اسەل قاناي جۇلدە جولىندا ۋكراين ولەكساندرا شولوحوۆادان باسىم ءتۇستى. ەسەپ: 3:2.

اسەلدىڭ بيىلعى چەمپيوناتتاعى جەكپە-جەكتەرىنە شولۋ:

توپتىق كەزەڭ:

اسەل قاناي – ۆافا ماحجۋب (تۋنيس) 1:2

اسەل قاناي – الي حاني ء(ۇندىستان) 8:0

اسەل قاناي – نينا رادجەنوۆيچ (شۆەيتساريا) 3:1.

1/8 كەزەڭ: اسەل قاناي – ءالي نۋرسەن (مىسىر) 5:2

شيرەك فينال: اسەل قاناي – گونگ لي (قىتاي) 1:1.

بۇل قازاقستان قورجىنىنا تۇسكەن جارىستاعى 2-جۇلدە.

بۇگىن ەرلەر اراسىندا ديدار ءامىرالى دە قولا مەداليست بولدى. ول كۋميتەدەن -67 كگ سالماقتا قولا مەدال ءۇشىن ايقاستا چيليلىك فرەيرە فۋەنتەس توماس كۇش سىناستى. قارسىلاستىڭ قاتاڭ ەرەجە بۇزۋىنا بايلانىستى حالىقارالىق كاراتە فەدەراتسياسىنىڭ (WKF) شەشىمىمەن چيلي سپورتشىسى ايقاستان شەتتەتىلىپ، جەڭىس ديدار امىرالىگە بەرىلدى.

ۇلتتىق قۇراما سپورتشىسىنىڭ كايردەگى جەكپە-جەكتەرىنە شولۋ:

توپتىق كەزەڭ:

ديدار ءامىرالى — مۇحاممەد وزدەمير (تۋنيس) 1:2

ديدار ءامىرالى — وزەر ومەر ابدۋراحيم (تۇركيا) 2:2.

ديدار ءامىرالى- ۋيليامس جودي (وڭتۇستىك افريكا) 7:0.

1/8 كەزەڭ: ءالي ەلساۆي (مىسىر) 5:4.

شيرەك فينال: سايد ۋبايا (ماروككو) 5:5.

ديدار وسىعان دەيىن 2023 جىلى ماجارستان استاناسى بۋداپەشتە وتكەن الەم چەمپيوناتىندا وسى سالماقتا 3-ورىن العان. بۇل – ونىڭ ەكىنشى مەدالى.

WKF كاراتە ەلىمىزدە بۇقارالىق سيپات العان سپورت ءتۇرىنىڭ قاتارىندا.

بۇگىندە مەملەكەت تاراپىنان بارلىق جاعداي جاسالىپ كەلەدى ءارى بيىل تۋريزم جانە سپورت مينيسترلىگى بەكىتكەن جوعارى جەتىستىكتەر سپورتى تۇرلەرىنىڭ تىزىمىنە ەندى. WKF كاراتە ازيا ويىندارى، دۇنيەجۇزىلىك ويىندار، يسلام ىنتىماقتاستىعى جانە تمد ەلدەرى ويىندارى سىندى كوپتەگەن كەشەندى جارىستىڭ باعدارلاماسىندا بار.