SportPress.kz قازاقستان سپورت جاڭالىقتارى
بىرىككەن اراب امىرلىكتەرىنىڭ دۋباي قالاسىندا وتكەن جاسوسپىرىمدەر اراسىنداعى V ازيا پارا ويىندارى ءوز مارەسىنە جەتتى، دەپ حابارلادى تۋريزم جانە سپورت مينيسترلىگى.
ويىنداردىڭ قورىتىندىسى بويىنشا قازاقستان قۇراماسى 68 مەدال جەڭىپ الدى. ونىڭ ىشىندە 25 التىن، 23 كۇمىس جانە 20 قولا جۇلدە بار. جالپى مەدالدىق ەسەپتە قازاقستان كومانداسى 45 مەملەكەتتىڭ ىشىندە بەسىنشى ورىنعا يە بولدى.
جارىستا قازاقستان اتىنان 60 سپورتشى 9 سپورت ءتۇرى بويىنشا سىنعا ءتۇستى. قازاقستان كومانداسى پارا جۇزۋدەن 34 مەدال، پارا قول كۇرەسىنەن 11 مەدال، پارا ۇستەل تەننيسىنەن 7 مەدال، پارا جەڭىل اتلەتيكادان 6 مەدال جانە پارا پاۋەرليفتينگتەن 6 مەدال جەڭىپ الدى.
ودان باسقا گولبولدان التىن مەدالدى، بوچچادان كۇمىس جۇلدەنى، ال پارا تاەكۆوندودان ءبىر كۇمىس جانە ءبىر قولا مەدالدى يەلەندى. پارا ساداق اتۋدان قازاقستان اتىنان ءبىر سپورتشى قاتىسىپ، بۇل سپورت ءتۇرى بويىنشا جۇلدە تىركەلگەن جوق.
— جاسوسپىرىمدەر اراسىنداعى V ازيا پارا ويىندارىندا ەلىمىزدىڭ سپورتشىلارى جاقسى ناتيجە كورسەتتى. بۇل جەتىستىك — مەملەكەتتىك قولداۋدىڭ، باپكەرلەر مەن مەديتسينالىق پەرسونالدىڭ، سونداي-اق اتا-انالاردىڭ بىرلەسكەن ەڭبەگىنىڭ جەمىسى. سونىمەن قاتار، بۇل ويىندار جاس سپورتشىلار ءۇشىن حالىقارالىق ارەنادا تاجىريبە جيناۋعا، حالىقارالىق كلاسسيفيكاتسيادان وتۋگە جانە ءوز ناتيجەلەرىن ودان ءارى جاقسارتۋعا مۇمكىندىك بەرەتىن ماڭىزدى جارىس بولدى، — دەدى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ سپورت باسقارماسىنىڭ باسشىسى قايرات سەيتبەكوۆ.
جاسوسپىرىمدەر اراسىنداعى V ازيا پارا ويىندارى 10–13 جەلتوقسان ارالىعىندا بولدى. جارىسقا 45 ەلدەن 1300-دەن استام سپورتشى قاتىسىپ، 11 سپورت ءتۇرى بويىنشا 481 مەدال جيىنتىعى ساراپقا سالىندى.
فوتو: تۋريزم جانە سپورت مينيسترلىگى
