Jasóspirimder V Azııa Para oıyndarynda 68 medal jeńip aldy

Birikken Arab Ámirlikteriniń Dýbaı qalasynda ótken jasóspirimder arasyndaǵy V Azııa Para oıyndary óz máresine jetti, dep habarlady Týrızm jáne sport mınıstrligi.

Oıyndardyń qorytyndysy boıynsha Qazaqstan quramasy 68 medal jeńip aldy. Onyń ishinde 25 altyn, 23 kúmis jáne 20 qola júlde bar. Jalpy medaldyq esepte Qazaqstan komandasy 45 memlekettiń ishinde besinshi orynǵa ıe boldy.

Jarysta Qazaqstan atynan 60 sportshy 9 sport túri boıynsha synǵa tústi. Qazaqstan komandasy para júzýden 34 medal, para qol kúresinen 11 medal, para ústel tennısinen 7 medal, para jeńil atletıkadan 6 medal jáne para paýerlıftıngten 6 medal jeńip aldy.

Odan basqa golboldan altyn medaldi, bochchadan kúmis júldeni, al para taekvondodan bir kúmis jáne bir qola medaldi ıelendi. Para sadaq atýdan Qazaqstan atynan bir sportshy qatysyp, bul sport túri boıynsha júlde tirkelgen joq.

— Jasóspirimder arasyndaǵy V Azııa Para oıyndarynda elimizdiń sportshylary jaqsy nátıje kórsetti. Bul jetistik — memlekettik qoldaýdyń, bapkerler men medıınalyq personaldyń, sondaı-aq ata-analardyń birlesken eńbeginiń jemisi. Sonymen qatar, bul oıyndar jas sportshylar úshin halyqaralyq arenada tájirıbe jınaýǵa, halyqaralyq klassıfıkaııadan ótýge jáne óz nátıjelerin odan ári jaqsartýǵa múmkindik beretin mańyzdy jarys boldy, — dedi Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń sport basqarmasynyń basshysy Qaırat Seıtbekov.

Jasóspirimder arasyndaǵy V Azııa Para oıyndary 10–13 jeltoqsan aralyǵynda boldy. Jarysqa 45 elden 1300-den astam sportshy qatysyp, 11 sport túri boıynsha 481 medal jıyntyǵy sarapqa salyndy.

Foto: Týrızm jáne sport mınıstrligi