BAQ Open by Beeline Janymda ءتۋرنيرىنىڭ جەڭىمپازدارى انىقتالدى

تاۋەلسىزدىك كۇنى قارساڭىندا استاناداعى ۇلتتىق تەننيس ورتالىعىندا قازاقستان تەننيس فەدەراتسياسى مەن Beeline قازاقستان كومپانياسىنىڭ قولداۋىمەن باق وكىلدەرى اراسىندا BAQ Open by Beeline Janymda ءتۋرنيرى بولدى، دەپ حابارلادى قازاقستان تەننيس فەدەراتسياسى.

استانا، الماتى جانە تارازدان باق وكىلدەرى توپتىق باسەكە مەن پلەي-وفتا ويناپ، «ماستەرس» پەن «فيۋچەرس» ساناتتارى بويىنشا مەدالدار مەن ىنتالاندىرۋ جۇلدەلەرىن ساراپقا سالدى.

تۋرنيرگە 37 قاتىسۋشى جينالدى. جۇلدەگەرلەر اراسىنان جاڭا ەسىمدەر شىقتى. بۇل تەننيستىڭ جۋرناليستەر ورتاسىندا قانات جايىپ كەلە جاتقانىن كورسەتەدى.

ايەلدەر اراسىندا ايگەرىم اسىلباەۆا جەڭىسكە جەتتى. ول التى دۇركىن BAQ Open چەمپيونى اتاندى.

الماتىدا بيىل جازعى BAQ Open جەڭىمپازى اتانعان قۋاندىق شىناسىلوۆ قىستا دا ۇزدىك ەكەندىگىن دالەلدەدى. ول فينالدا ءسابي بايبوسىنوۆتى 6:4 ەسەبىمەن جەڭدى.

كۇمىس جۇلدەگەر ءسابي بايبوسىنوۆ ماراپاتتاۋدان كەيىن ويىن ايتتى.

— قازاقستان تەننيس فەدەراتسياسىنا ءتۋرنيردى تاماشا ۇيىمداستىرعانى ءۇشىن ۇلكەن العىس ايتقىم كەلەدى. بارلىعى وتە جاقسى بولدى. باس ارىپتەس Beeline Kazakhstan كومپانياسىنا  Janymda برەندىسىمەن، سونداي-اق Match Ball قوسىمشاسىنا اۋەسقوي تەننيستى دامىتۋدى قولداپ، ۇلەس قوسقانى ءۇشىن جەكە ريزاشىلىق بىلدىرەمىن.

جىل ساناپ BAQ Open جارىسىنا قاتىسۋشىلار سانى كوبەيگەنى وتە قۋانتادى. باق وكىلدەرى اراسىندا تەننيسكە قىزىعۋشىلىق ارتىپ كەلەدى. مۇنداي تۋرنيرلەر شىنىندا دا كەرەك. ول جۋرناليستەردى، بلوگەرلەر مەن مەديا ماماندارىن بىرىكتىرەدى. تەننيس اياسىن كەڭەيتىپ، ادەمى سپورتتىق احۋال قالىپتاستىرادى. BAQ Open بۇدان بىلاي دا دامىپ، بۇكىل ەل بويىنشا قاتىسۋشىلاردى كوبىرەك تارتادى دەپ ۇمىتتەنەمىن، — دەدى ول. 

«ماستەرس» ساناتى بويىنشا ەرلەر اراسىندا جۇلدەگەرلەر: 

1-ورىن – قۋاندىق شىناسىلوۆ (Zakon.kz);

2-ورىن – ءسابي بايبوسىنوۆ (حابار);

3-ورىن – پاۆەل تسىبۋلين  (kinopoisk.kz)

«فيۋچەرس» ساناتى بويىنشا جۇلدەگەرلەر:

1-ورىن – بوگدان گرۋشەۆسكي (Freedom QJ League);

2-ورىن – ءمادي مۇحامەدقالي («قازتەمىرترانس» اق);

3-ورىن – تيمۋر ايتمۇحانبەت («ازاتتىق راديوسى»).

قىزدار اراسىندا جۇلدەگەرلەر:

1-ورىن – ايگەرىم اسىلباەۆا (24KZ تەلەكانالى);

2-ورىن – گالينا ۆىبورنوۆا («كومسومولسكايا پراۆدا-قازاقستان»);

3-ورىن – اياۋلى احمەتقازى (qazaqculture.com)

جەڭىمپازدار مەن جۇلدەگەرلەر كۋبوكتارمەن، ەسكەرتكىش سىيلىقتارمەن جانە گراموتالارمەن ماراپاتتالدى.

Beeline Janymda. سپورتتا جانە جەلىدە تۇراقتى ءموبيلدى قولداۋ.