BAQ Open by Beeline Janymda týrnıriniń jeńimpazdary anyqtaldy

Táýelsizdik kúni qarsańynda Astanadaǵy ulttyq tennıs ortalyǵynda Qazaqstan tennıs federaııasy men Beeline Qazaqstan kompanııasynyń qoldaýymen BAQ ókilderi arasynda BAQ Open by Beeline Janymda týrnıri boldy, dep habarlady Qazaqstan tennıs federaııasy.

Astana, Almaty jáne Tarazdan BAQ ókilderi toptyq báseke men pleı-ofta oınap, «Masters» pen «Fıýchers» sanattary boıynsha medaldar men yntalandyrý júldelerin sarapqa saldy.

Týrnırge 37 qatysýshy jınaldy. Júldegerler arasynan jańa esimder shyqty. Bul tennıstiń jýrnalıster ortasynda qanat jaıyp kele jatqanyn kórsetedi.

Áıelder arasynda Áıgerim Asylbaeva jeńiske jetti. Ol alty dúrkin BAQ Open chempıony atandy.

Almatyda bıyl jazǵy BAQ Open jeńimpazy atanǵan Qýandyq Shynasylov qysta da úzdik ekendigin dáleldedi. Ol fınalda Sábı Baıbosynovty 6:4 esebimen jeńdi.

Kúmis júldeger Sábı Baıbosynov marapattaýdan keıin oıyn aıtty.

— Qazaqstan tennıs federaııasyna týrnırdi tamasha uıymdastyrǵany úshin úlken alǵys aıtqym keledi. Barlyǵy óte jaqsy boldy. Bas áriptes Beeline Kazakhstan kompanııasyna  Janymda brendisimen, sondaı-aq Match Ball qosymshasyna áýesqoı tennısti damytýdy qoldap, úles qosqany úshin jeke rızashylyq bildiremin.

Jyl sanap BAQ Open jarysyna qatysýshylar sany kóbeıgeni óte qýantady. BAQ ókilderi arasynda tennıske qyzyǵýshylyq artyp keledi. Mundaı týrnırler shynynda da kerek. Ol jýrnalısterdi, blogerler men medıa mamandaryn biriktiredi. Tennıs aıasyn keńeıtip, ádemi sporttyq ahýal qalyptastyrady. BAQ Open budan bylaı da damyp, búkil el boıynsha qatysýshylardy kóbirek tartady dep úmittenemin, — dedi ol. 

«Masters» sanaty boıynsha erler arasynda júldegerler: 

1-oryn – Qýandyq Shynasylov (Zakon.kz);

2-oryn – Sábı Baıbosynov (Habar);

3-oryn – Pavel ybýlın  (kinopoisk.kz)

«Fıýchers» sanaty boıynsha júldegerler:

1-oryn – Bogdan Grýshevskıı (Freedom QJ League);

2-oryn – Mádı Muhamedqalı («Qaztemirtrans» AQ);

3-oryn – Tımýr Aıtmuhanbet («Azattyq radıosy»).

Qyzdar arasynda júldegerler:

1-oryn – Áıgerim Asylbaeva (24KZ telekanaly);

2-oryn – Galına Vybornova («Komsomolskaıa pravda-Qazaqstan»);

3-oryn – Aıaýly Ahmetqazy (qazaqculture.com)

Jeńimpazdar men júldegerler kýboktarmen, eskertkish syılyqtarmen jáne gramotalarmen marapattaldy.

Beeline Janymda. Sportta jáne jelide turaqty mobıldi qoldaý.