SportPress.kz Qazaqstan sport jańalyqtary
Astanadaǵy Qazaqstan jeńil atletıkalyq manejde grek-rım, erkin jáne áıelder kúresinen U17 jáne U20 jas arasyndaǵy Qazaqstan chempıonaty máresine jetti, dep habarlady Qazaqstan kúres federaııasynyń baspasóz qyzmeti.
On kúnge sozylǵan dodaǵa elimizdiń barlyq óńirinen 1 200-den astam jas sportshy qatysyp, bozkilemde óz sheberligin synady.
El kúresiniń tarıhynda tuńǵysh ret bıylǵy chempıonatta júldegerlerge syıaqylar taǵaıyndaldy. Kúres túrlerinen ótkiziletin Qazaqstan chempıonattarynda qarjylaı júlde qory buryn-sońdy qarastyrylmaǵan edi. Bıyl bul soma 60 mıllıon teńge boldy. Atap aıtqanda, U17 sanatynda chempıon 300 myń teńge ıelense, kúmis pen qola medal ıegerleri tıisinshe 200 jáne 100 myń teńgeden aldy. Al U20 sanatynyń chempıonyna 500 myń teńge, ekinshi orynǵa 300 myń, úshinshi orynǵa 150 myń teńge tabys etildi. Bul sheshim jas sportshylarmen qatar, óńirlerdegi bapkerler men sport mektepteri úshin de mańyzdy qoldaý boldy.
Qazaqstan kúres federaııasynyń bas hatshysy Damır Bekbosynovtyń aıtýynsha, bıylǵy qarjylaı yntalandyrý tek U17 jáne U20 sanattarymen shektelmeıdi. Federaııa jas erekshelikterine qaraı bolatyn barlyq negizgi Qazaqstan chempıonattarynyń júldegerlerin júıeli túrde qoldaýdy qolǵa alǵan.
– Qazaqstan kúres federaııasynyń prezıdenti Erkin Qadyrǵalı Oqasovtyń qoldaýymen bıylǵy Qazaqstan chempıonattaryna jalpy quny 200 mıllıon teńge bolatyn qomaqty júlde qory qarastyrylyp otyr.
Mysaly, U15 jas sanatynyń chempıonyna 200 myń teńge, U17 sanatynda 300 myń, U20 men U23 sanattarynda 500 myń teńge, al eresekter arasyndaǵy Qazaqstan chempıondaryna 1 mıllıon teńge beriledi. Bul – sportshylar men jattyqtyrýshylar úshin naqty qoldaý. Osyndaı qoldaýdyń arqasynda chempıonattarymyzdyń deńgeıi de arta túsedi dep senemin, – dedi Damır Ásenǵazyuly.
Jarys qorytyndysy óńirlik kúres mektepteriniń deńgeıin de aıqyn kórsetti. Grek-rım kúresinen U17 sanatynda jalpykomandalyq esepte Almaty oblysy 130 upaımen kósh bastady. Abaı oblysy 105 upaımen ekinshi orynǵa turaqtasa, Shymkent qalasy 93 upaımen úzdik úshtikti túıindedi. U20 sanatynda da Almaty oblysynyń balýandary 131 upaımen birinshi orynnan kórindi. Shymkent qalasy 115 upaımen ekinshi, Aqtóbe oblysy 104 upaımen úshinshi orynǵa ıe boldy.
Áıelder kúresinde U17 sanatynda Almaty qalasynyń quramasy 137 upaımen alǵa shyqty. Túrkistan oblysy 108 upaımen ekinshi, Jetisý oblysy 94 upaımen úshinshi orynǵa jaıǵasty. U20 sanatynda Almaty qalasynyń sportshylary 177 upaımen top bastady. Túrkistan oblysy 144 upaımen ekinshi, Almaty oblysy 113 upaımen úshinshi satyǵa kóterildi.
Al erkin kúresten U17 sanatynda Shymkent qalasy 128 upaımen jalpykomandalyq esepte birinshi orynǵa shyqty. Abaı oblysy 119 upaımen ekinshi bolsa, Almaty qalasy 118 upaımen úshinshi oryndy ıelendi. Upaı aıyrmasynyń az bolýy óńirler arasyndaǵy básekeniń tartysty ótkenin kórsetti. U20 sanatynda Almaty qalasy 177 upaımen kósh bastasa, Túrkistan 130, al Almaty oblysy 108 upaıǵa ıe boldy.
Sonymen qatar, chempıonatta sportshylardyń kúres kezinde kórsetken qaısar minez ben sheberlik te Federaııa tarapynan arnaıy baǵalandy. Máselen, «Qaısar rýh» atalymy bozkilemde tabandylyq tanytyp, sońyna deıin berispegen balýandarǵa tapsyryldy. Bul júldeni erkin kúresten synǵa túsken Aıbek Qalııahmet (79 keli, Almaty oblysy), áıelder kúresinde chempıon atanǵan Dınara Daýylqyzy (53 keli, Astana qalasy) jáne grek-rım kúresinde top jarǵan Dııar Amanáli (55 keli, Shymkent qalasy) ıelendi.
«Dara tásil» atalymy joǵary tehnıkalyq sheberligimen kózge túsken sportshylarǵa berildi. Erkin kúres ókili Ádilet Manap (79 keli, Almaty oblysy), grek-rım kúresiniń balýany Erkebulan Ánapııa (82 keli, Almaty oblysy) jáne áıelder kúresiniń burymdy balýany Nazym Murat (65 keli, Abaı oblysy) atalmysh nomınaııanyń ıegerleri atandy.
Sondaı-aq, chempıonattyń ádil ótýine úles qosqan tóreshiler de marapattaldy. Áıelder kúresinen Ksenııa Drobına, grek-rım kúresinen Aleksandr Grýdın jáne erkin kúresten Talǵat Myrzabek úzdik tóreshi retinde arnaıy syıaqyǵa ıe boldy.
Qoryta aıtqanda, on kúnge sozylǵan chempıonat medal ıelerin ǵana emes, bolashaqtyń bet-beınesin de aıqyndady. Bozkilemge shyqqan jas balýandardyń tehnıkalyq sheberligi men qaısar minezi olardyń básekeli dodalarǵa daıyn ekenin ańǵartty. Búgingi el chempıondary erteń halyqaralyq arenada el namysyn abyroımen qorǵaıtyn jańa býyn.
