Krıstına Shýmekova taǵy da júlde alyp, tarıhta qaldy

Germanııanyń Inell qalasynda konkımen júgirýden jasóspirimder arasynda ótip jatqan álem chempıonatynda Krıstına Shýmekova 3000 metr qashyqtyqta 4:03.99 nátıjesimen kúmis medal ıelenip, tórtinshi júldesin jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Bul synda avstrııalyq Djanın Rosne (4:02.399) top jarsa, qola Qytaı ókili Taı Chjıenge (4:04.085) buıyrdy.

Sondaı-aq ol kópsaıystyń kishi baǵdarlamasy boıynsha (jekelegen qashyqtyqtardyń jıyntyq nátıjesi negizinde) birinshi orynǵa kóterilip, tarıhı jetistikke jetti. Osy kórsetkishi arqyly Krıstına Shýmekova Qazaqstan tarıhynda atalǵan belesti baǵyndyrǵan alǵashqy sportshy atandy. Jalpy esepte 156.001 upaı jınady.

Buǵan deıin Krıstına Shýmekova 500, 1000 jáne 1500 metr qashyqtyqtarynda altyn medal jeńip alǵan bolatyn.

Álem chempıonaty 1 naýryzǵa deıin jalǵasady.