Konkımen júgirý: Qazaqstan sprıntte jeńiske jetti

Germanııanyń Inell qalasynda konkımen júgirýden ótip jatqan jasóspirimder arasyndaǵy álem chempıonatynda Qazaqstan qorjyny taǵy bir altyn medalmen tolyqty, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Varvara Glýhova, Anastasııa Belovodova men Krıstına Shýmekovadan quralǵan áıelder komandasy komandalyq sprıntte 1:28.77 ýaqyt kórsetip, álem chempıony atandy.

Ekinshi oryndy Polsha quramasy ıelense, úshinshi satyǵa Kanada sportshylary kóterildi.

Osylaısha, Qazaqstan quramasynyń jasóspirimder arasyndaǵy álem chempıonatyndaǵy medal sany altaýǵa jetti. Buǵan deıin Krıstına Shýmekova 500, 1000 jáne 1500 metr qashyqtyqtarynda, sondaı-aq kópsaıysta altyn medal jeńip alǵan bolatyn. Sonymen qatar, ol 3000 metrde kúmis júldege ıe boldy.

Búgin otandastarymyz taǵy bir medal úshin baq synaıdy. Anastasııa Belovodova, Krıstına Shýmekova, Mıhaıl Matrıýhın jáne Rýslan Jańadilov aralas estafetada el namysyn qorǵaıdy.