Gımnastıka: Qazaqstan Azııa chempıonatynda 11 júlde aldy

Malaızııanyń astanasy Kýala-Lýmpýr qalasynda estetıkalyq gımnastıkadan Azııa chempıonaty óz máresine jetti. Bul dodada Qazaqstan quramasy 11 medal jeńip aldy

Marapattaý rásiminde elimizdiń ánurany bes ret shyrqaldy. Ár sanattaǵy jeńimpazdar men júldegerler arasynda elimizden eki komandadan boldy. Chempıonatta 6 medal jıyntyǵy sarapqa salyndy.

16 jastan asqan qyzdar arasynda «Karmelıta» (Shymkent) komandasy chempıon atandy. Onyń quramynda Elızaveta Sharaıa, Sábına Elýbaeva, Aıda Jaqsybek, Elına Kan, Sagdana Paızhanova, Saıda Patshahan men Sánııa Turdybaı óner kórsetti. Kúmis júldeni quramynda Tomırıs Nurqasymova, Adel Omarova, Anna Klıshına, Elıka Melnıchenko, Samıra Smaqova, Alıona Klıshına men Elızaveta Býlatova bar Almatynyń «Kerbez» komandasy ıelendi.

14-16 jas aralyǵyndaǵy jasóspirimder arasynda Astananyń «Samuryq» komandasy altyndy júldeni aldy. Onyń quramynda jarysqa Medına Ábdibaeva, Ińkár Baıronova, Aqbota Toqanova, Valerııa Lýkıanova, Mıkaella Oshaǵanova, Aızara Ábildınova, Adına Isabekova, Arýjan Shamshına, Darına Aqsholaqova, Amına Tastanbek pen Anar Muhamedǵalıeva qatysty. Kúmis júldege Almatynyń «Sunrise» komandasy ıe boldy. Komandanyń sapynda Ámına Beıǵanova, Tomırıs Bolat, Altynaı Núrkenqyzy, Amılıa Qunanbaeva, Ánel Nursultan, Aılın Maqsutova, Adelııa Tursynqoja baq synasty.

Dastan KENJALIN,

ASTANA