سۋ سپورتى: ەدۋارد كيم الەم چەمپيوناتىنىڭ فينالىنا شىقتى

جاپونيانىڭ فۋكۋوكا قالاسىندا سۋ سپورتى تۇرلەرىنەن ءوتىپ جاتقان الەم چەمپيوناتىندا ارتيستىك ءجۇزۋدىڭ ەركىن باعدارلاماسىندا ونەر كورسەتكەن ەدۋارد كيم فينالعا شىقتى.

18 شىلدەدە وتكەن ىرىكتەۋ سىنىندا ەدۋارد 173.0499 ۇپايمەن ەكىنشى ورىن الىپ، فينالعا جولداما الدى. ءبىرىنشى ورىندا اقش سپورتشىسى كەننەت گودە. ۇزدىك ۇشتىكتى تۇيىندەگەن ۇلىبريتانيالىق راندزيۋ تومبلين.

فينالدىق سايىس بۇگىن، 19 شىلدەدە بولادى. بۇل جارىس استانا ۋاقىتىمەن Qazsport ارناسىنان 17.05-تە باستالادى.

ەسكە سالا كەتسەك، ەدۋارد كيم 17 شىلدەدە ارتيستىك ءجۇزۋدىڭ تەحنيكالىق باعدارلاماسى بويىنشا الەم چەمپيوناتىنىڭ قولا جۇلدەسىنە يە بولعان ەدى. بۇل — 1994 جىلدان بەرى الەم چەمپيوناتىنا قاتىسىپ كەلە جاتقان قازاقستان قۇراماسىنىڭ سۋ سپورتى تۇرلەرىنەن ەرەسەكتەر اراسىندا يەلەنگەن تۇڭعىش جۇلدەسى.

مۇساعالي تاسقاليەۆ،

استانا