Sý sporty: Edýard Kım álem chempıonatynyń fınalyna shyqty

Japonııanyń Fýkýoka qalasynda sý sporty túrlerinen ótip jatqan álem chempıonatynda artıstik júzýdiń erkin baǵdarlamasynda óner kórsetken Edýard Kım fınalǵa shyqty.

18 shildede ótken irikteý synynda Edýard 173.0499 upaımen ekinshi oryn alyp, fınalǵa joldama aldy. Birinshi orynda AQSh sportshysy Kennet Gode. Úzdik úshtikti túıindegen ulybrıtanııalyq Randzıý Tomblın.

Fınaldyq saıys búgin, 19 shildede bolady. Bul jarys Astana ýaqytymen Qazsport arnasynan 17.05-te bastalady.

Eske sala ketsek, Edýard Kım 17 shildede artıstik júzýdiń tehnıkalyq baǵdarlamasy boıynsha álem chempıonatynyń qola júldesine ıe bolǵan edi. Bul — 1994 jyldan beri álem chempıonatyna qatysyp kele jatqan Qazaqstan quramasynyń sý sporty túrlerinen eresekter arasynda ıelengen tuńǵysh júldesi.

Musaǵalı TASQALIEV,

ASTANA