Shahmattan ÁCh: Qazaqstan quramasy kósh bastady

Polshanyń Bydgoщ qalasynda áıelder arasyndaǵy FIDE-niń toǵyzynshy komandalyq álem chempıonaty bolyp jatyr.

Qazir A tobyna túsken Qazaqstan quramasy Úndistan men Egıpet quramalaryn jeńip, 4 upaımen kósh basyna shyqty.

Álem chempıoantynyń alǵashqy kúni barlyq komanda 2 týr oınady.

Ulttyq quramanyń jetekshi oıynshysy Bıbisara Asaýbaeva (FIDE reıtıngi 2439) egıpettik Shrýk Vafany, sosyn Merýert Kamalıdenova (FIDE reıtıngi 2162) Shahenda Vafany utty. Al Ksenııa Balabaeva (FIDE reıtıngi 2111), Alýa Nurmanova (FIDE reıtıngi 2170) qarsylaspen teń tústi.

Ekinshi matchta Bıbisara Asaýbaeva Harıka Dronavalımen, Merýert Kamalıdenova Vantıka Agravalmen, Alýa Nurmanova Padmını Roýtpen teń tarqasty.

Ámına Qaıyrbekova men Savıta Shrı Bı de oınady. Munda Ámına Qaıyrbekova tabandylyq tanytyp, partııany óz paıdasyna aıaqtady.

Shamken BAIYRBEK,

ASTANA

FOTO: Týrızm jáne sport mınıstrliginiń Sportty damytý dırekııasy