Nysana kózdeý: Azııa chempıonatynda quramanyń qorjynyna úsh medal tústi

Indonezııanyń astanasy Jakartada ótip jatqan nysana kózdeýden Azııa chempıonatynda Qazaqstan mergenderi taǵy 3 júldeni jeńip aldy, dep habarlady Týrızm jáne sport mınıstrligi Sportty damytý dırekııasy.

Áıelder arasynda 10 metrden jyljymaly nysana kózdeýde Fatıma Irnazarova 567 upaı jınap, taǵy da qurlyq chempıony atandy. Al erler saıysynda Ilıa Zoteev úzdik úshtikti túıindedi.

Dál osy jattyǵýdaǵy komandalyq básekede quramynda Andreı Hýdıakov, Ilıa Zoteev pen Asadbek Nazırkýlev bar elimizdiń erler komandasy jarys qojaıyny Indonezııany alǵa shyǵaryp, kúmis júldege ıe boldy. Qazaqstan quramasy munda 1654 upaı jınady.

Qazir Qazaqstan quramasynyń enshisinde Azııa chempıonatynyń 4 altyn, 2 kúmis, 5 qola júldesi bar.

Búgin aýyspaly qarqyndaǵy jyljymaly nysana kózdeý saıysynan keıin qurlyq chempıonaty aıaqtalady.