Nurqoja Qaıpanov erkin kúresten álem chempıony atandy

Erkin kúresten Qazaqstan qorjynyna altyn medal tústi. Nurqoja Qaıpanov Albanııanyń bas qalasy Tıranada ótip jatqan álem chempıonatyn jeńip aldy.

Otandasymyz fınalda japon palýany Ioshınosýke Aoıagıden basym tústi. Esep – 5:3.

Nurqoja Qaıpanov dál osy salmaqta (70 kg) 5 jyl buryn elimizdiń astanasynda ótken álem chempıonatynda kúmis júldege ıe bolǵan edi.

Osylaısha, elimizden eki jyl qataryna erkin kúresten álem chempıony shyqty. Byltyr Serbııanyń astanasy — Belgradta Rızabek Aıtmuhan 92 kg deıingi salmaqta top jarǵan.

Aıta keteıik, keshe Qaıpanov irikteýde Mıtchell Fınesılverdi (Izraıl), keıin Nıkolaı Grahmez (Moldova) ben Akakı Kemertelıdzeni (Grýzııa) aıqyn basymdyqpen jeńgen. Jartylaı fınalda tájikstandyq Abdýlmajıd Kýdıevti taza jyqty.

Osymen Tıranadaǵy Olımpıada baǵdarlamasyna kirmeıtin salmaqtar boıynsha álem chempıonaty máresine jetti.

Qazaqstan quramasy 1 altyn, 2 kúmis medal jeńip aldy. Osyǵan deıin grek-rım kúresiniń sheberi Erjet Jarlyqasyn (63 kg) men Jámılá Baqbergenova (72 kg) kúmis medal aldy.

Shamken BAIYRBEK,

ASTANA