ۆالەري راحىمجان — الەم كۋبوگىنىڭ كۇمىس جۇلدەگەرى!

نىسانا كوزدەۋدەن گەرمانيانىڭ ميۋنحەن قالاسىندا ءوتىپ جاتقان الەم كۋبوگىندا قازاقستان ۆالەري راحىمجان كۇمىس مەدالگە يە بولدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

ول تاپانشامەن 10 مەتردەن وق اتۋ سايىسىندا فينالدا 241.9 ۇپاي جيناپ، ەكىنشى ورىندى يەلەندى. مۇندا قىتايلىق حۋ كاي توپ جاردى (242.3 بالل). ۇزدىك ۇشتىككە الاڭ يەسى  كريستيان رەيتتس كىردى. ىرىكتەۋدە ۆالەري راحىمجان 583 ۇپايمەن التىنشى ورىنعا شىعىپ، فينالعا جولداما العان، — دەلىنگەن حابارلامادا.

الەم كۋبوگىنا 78 ەلدەن 695 سپورتشى قاتىسىپ جاتىر. وسى جاعىنان رەكورد جاڭاردى.

جارىس 15 ماۋسىمدا اياقتالادى. قازىر قازاقستان قورجىنىندا 1 كۇمىس جۇلدە بار.