سايىپقىران: قولا جۇلدەنى جاۋدينوۆ الدى

دزيۋدودان قازاقستان قۇراماسىنىڭ وكىلى ءادىلجان جاۋدينوۆ بولگاريانىڭ سوفيا قالاسىندا كادەتتەر اراسىندا ءوتىپ جاتقان الەم چەمپيوناتىنىڭ قولا جۇلدەگەرى اتاندى، دەپ حابارلادى ۇلتتىق وليمپيالىق كوميتەت.

دزيۋدوشى 90 كەلىدەن اسا سالماق دارەجەسىندە فيناعا دەيىن جەتتى.

ءۇشىنشى ورىن ءۇشىن بەلدەسۋدە جاۋدينوۆ چەحيا سپورتشىسى مەليچار شكولانى جەڭدى.

وسىلايشا، ۇلتتىق قۇراما قورجىنىندا بەس جۇلدە بار. بۇعان دەيىن ەرنۇر باتىرعالي (60 كەلىگە دەيىن) التىن مەدال يەلەنسە، مۇحاممەدالى جىلقايدار (66 كەلىگە دەيىن) كۇمىس مەدال جەڭىپ الدى. ال ارمان مىسا (50 كەلىگە دەيىن) مەن رولان قايىرعالي (66 كەلىگە دەيىن) قولا جۇلدەگە يە بولدى.

 

بۇرىمدى بوكسشىلار قىتايدا جەڭىمپاز اتاندى

قىتايدا بوكستان وتكەن Belt and Road حالىقارالىق تۋرنيرىندە ايەلدەر قۇراما كومانداسى جاقسى ناتيجە كورسەتتى.

حالىقارالىق تۋرنيردە ايەلدەر قۇراماسىنان جاينا شەكەربەكوۆا (54 كگ)، ريمما ۆولوسەنكو (60 كگ)، ۆالەنتينا حالزوۆا (75 كگ)، ءلاززات كۋنگەيباەۆا (81 كەلىدەن اسا سالماق) التىن مەدال السا، ءسانيا سۇلتان (54 كگ) كۇمىس، زەرە ماحاباي (57 كگ)، ءمادينا نۇرشاەۆا (66 كگ)، داريعا شاكىموۆا (66 كگ) قولا جۇلدەگەر اتاندى.

جاستار قۇراماسىنان ارنۇر رۋستەم (65 كگ)، حامزا ماقسات ۇلى (70 كگ)، رۋسلان احمەتوۆ (90 كگ)، ۆلاديسلاۆ ساموجونوۆ (90 كەلىدەن اسا سالماق) جەڭىس تۇعىرىنا كوتەرىلسە، بەيبارىس تاجىبەك (70 كگ)، سانجار سەيتكاميت (90 كگ) ەكىنشى، زۋفار سايتفۋدينوۆ (50 كگ)، ايدوس ۇسەنوۆ (55 كگ)، قاجىمۇقان كۇمىسبەك ءۇشىنشى ورىنعا يە بولدى.

بوكستان حالىقارالىق تۋرنيردە قازاقستان قۇراماسى كوماندالىق ەسەپتە ءبىرىنشى ورىن الدى.

 

الەكساندر بۋبليك اقش اشىق چەمپيوناتىنىڭ ءۇشىنشى اينالىمىنا شىقتى

قازاقستاننىڭ ءبىرىنشى، الەمنىڭ 24-راكەتكاسى الەكساندر بۋبليك اقش اشىق چەمپيوناتىندا ەكىنشى جەڭىسىنە جەتتى.

ول ەكىنشى اينالىمدا الەمدىك رەيتينگىدە 96-ورىنداعى اۆستراليالىق تريستان سكۋلكەيتتى 6:3، 6:3، 6:3 ەسەبىمەن جەڭدى. ءبىر ساعات 45 مينۋتقا سوزىلعان ماتچتا بۋبليك 16 ەيسپەن بىرگە 6 برەيك-پوينتتىڭ تورتەۋىن پايدالاندى.

الەكساندر بۋبليك ءۇشىنشى اينالىمدا الەمنىڭ 14-راكەتكاسى، امەريكالىق توممي پولمەن وينايدى.

 

US Open: اننا دانيلينا جۇپتىق سىندا ەكىنشى اينالىمعا جولداما الدى

قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا اقش اشىق چەمپيوناتىن جەڭىسپەن باستادى. 

«ۇلكەن دۋلىعا» ءتۋرنيرىنىڭ 9-راكەتكالارى بولىپ تىركەلگەن ا.دانيلينا پەن سەربيالىق الەكساندرا كرۋنيچ العاشقى اينالىمدا حورۆاتيالىق انتونيا رۋزيچ پەن نيدەرلاندىلىق بيبيانا سحووفسپەن وينادى.

ءبىرىنشى پارتيادا دانيلينا پەن كرۋنيچ 6:1 ەسەبىمەن جەڭدى.

ەكىنشى سەت تە ءدال وسىنداي ەسەپپەن اياقتالدى. ەسەپ – 6:1.

ءبىر ساعات 3 مينۋتقا سوزىلعان ويىندا قازاقستان مەن سەربيانىڭ تەننسيشىلەرى 1 ەيسپەن بىرگە 10 برەيك-پوينتتىڭ تەڭ جارتىسىن قۇر جىبەرگەن جوق. رۋزيچ پەن سحووفس 3 برەيك-پوينتتى پايدالانا المادى.

اننا دانيلينا مەن الەكساندرا كرۋنيچتىڭ كەلەسى قارسىلاستارى كەيىن انىقتالادى.

 

الەمنىڭ 10-راكەتكاسى ەلەنا رىباكينا بارلىق «ۇلكەن دۋلىعا» تۋرنيرىندە ءتورتىنشى اينالىمعا وتكەن العاشقى قازاقستان تەننيسشىسى اتاندى.

ول اقش اشىق چەمپيوناتىندا ءوز سپورتتىق جولىندا ءبىرىنشى رەت ءتورتىنشى اينالىمعا شىقتى.

رىباكينا وسىعان دەيىن 2022 جىلى ۋيمبلدوندا چەمپيون بولدى. 2023 جىلى اۆستراليا اشىق چەمپيوناتىنىڭ فينالىنا دەيىن جەتتى. ال «رولان گارروس» تۋرنيرىندە ەكى رەت، 2021 جانە 2024 جىلدارى شيرەك فينالدا وينادى.

ە.رىباكينا اقش اشىق بىرىنشىلىگىنىڭ شيرەك فينالىنا شىعۋ ءۇشىن رەيتينگىدە 60-ورىنداعى چەحيالىق، 2023 جىلعى ۋيمبلدون چەمپيونى ماركەتا ۆوندروۋشوۆامەن وينايدى. ول ءۇشىنشى اينالىمدا الەمنىڭ 8-راكەتكاسى، يتاليالىق جاسمين ءپاولينيدى 7:6 (7:4)، 6:1 ەسەبىمەن جەڭدى.

 

ۆولەيبولدان ءاچ: قازاقستان جاستارى ارگەنتينانى جەڭدى

قىتايدىڭ تسزيانمەن قالاسىندا ۆولەيبولدان 21 جاسقا دەيىنگىلەر اراسىندا ءوتىپ جاتقان ءححىىى الەم چەمپيوناتىندا قازاقستان قۇراماسىنىڭ كەزەكتى ماتچى بولدى.

بۇل جولى سەرگەي تريكوز جاتتىقتىراتىن جاستار ارگەنتينا كومانداسىمەن سىنعا ءتۇستى.

كەشە قازاقستان قۇراماسى 9-16 ورىندار ءۇشىن ماتچتا 2:3 ەسەبىمەن بولگارياعا ەسە جىبەرسە، ارگەنتينا ءدال سونداي تارتىستى باسەكەدە جاپونيادان جەڭىلىپ قالعان ەدى (2:3).

قوس كوماندانىڭ اراسىنداعى بۇگىنگى ويىن دا سونداي تارتىسقا تولى بولدى. قورىتىندى ەسەپ — 3:2، قازاقستاننىڭ پايداسىندا. قازاقستان قۇراامسى ەندى 13-ورىن ءۇشىن تالاسادى.

بيىل ءوز تاريحىندا العاش رەت الەم چەمپيوناتىنا قاتىسىپ جاتقان قازاقستان جاستار كومانداسى ءۇشىنشى جەڭىسىنە جەتتى. بۇدان بۇرىن توپتىق باسەكەدە قازاقستان كومانداسى پۋەرتو-ريكو مەن وڭتۇستىك كورەيانى جەڭگەن ەدى.

 

بيىك فۋتبولدان ايەلدەر اراسىنداعى UEFA ەۋروپا كۋبوگىنا جولداما الدى.

شىمكەنتتىڭ كومانداسى UEFA چەمپيوندار ليگاسىنىڭ ءبىرىنشى ىرىكتەۋى كەزەڭىندە ءۇشىنشى ورىن ءۇشىن ويىندا سلوۆاكيانىڭ «سپارتاك مياۆا» كومانداسىنان 2:1 ەسەبىمەن باسىم ءتۇستى.

بۇل جەڭىس ەۋروپا كۋبوگىنىڭ ىرىكتەۋ كەزەڭىندە شىعۋعا مۇمكىندىك بەرەدى.

ەندى بيىك كلۋبى ءتۋرنيردىڭ ءبىرىنشى ىرىكتەۋ كەزەڭىندە وينايدى. العاشقى ماتچ 10-11 قىركۇيەكتە بولسا، ەكىنشى ماتچ 17-18 قىركۇيەككە جوسپارلانعان. قارسىلاسى 31 تامىز كۇنى جەرەبە تارتۋ راسىمىندە انىقتالادى.

چەمپيوندار ليگاسىنىڭ ءبىرىنشى ىرىكتەۋى كەزەڭىندە ولار الدىمەن سلوۆەنيانىڭ «كاتوۆيتسە» كلۋبىنان 0:2 ەسەبىمەن جەڭىلگەن بولاتىن.

سونداي-اق بۇگىن ساعات 18:00-دە «اقتوبە» دانيانىڭ «نورشەلانن» كومانداسىمەن تۋرنيردە ءۇشىنشى ورىن ءۇشىن سايىسقا تۇسەدى. اقتوبەنىڭ كلۋبى العاشقى ويىنىندا يتاليانىڭ «روما» كومانداسىنا 0:2 ەسەبىمەن جول بەردى.

بيىك كومانداسى 2009 جىلدان بەرى چەمپيوندار ليگاسىندا ەل نامىسىن قورعاپ كەلەدى. 2017، 2018، 2019 جىلدارى 1/8 فينالعا دەيىن جەتتى. شىمكەنتتىڭ كلۋبى ەل بىرىنشىلىگىندە 13 مارتە چەمپيوندىق اتاقتى جەڭىپ الدى.

ال «اقتوبە» 2014 جىلدان بەرى ەل بىرىنشىلىگىندە باق سىناپ ءجۇر. 2024 جىلى كۇمىس جۇلدەگەر اتانسا، 2018 جىلى قولا مەدال العان ەدى. بيىل ەۋروكۋبوك ويىندارىنا العاش رەت قاتىسقالى وتىر.