Saıypqyran: Qola júldeni Jaýdınov aldy

Dzıýdodan Qazaqstan quramasynyń ókili Ádiljan Jaýdınov Bolgarııanyń Sofııa qalasynda kadetter arasynda ótip jatqan álem chempıonatynyń qola júldegeri atandy, dep habarlady Ulttyq Olımpııalyq komıtet.

Dzıýdoshy 90 keliden asa salmaq dárejesinde fınaǵa deıin jetti.

Úshinshi oryn úshin beldesýde Jaýdınov Chehııa sportshysy Melıchar Shkolany jeńdi.

Osylaısha, ulttyq qurama qorjynynda bes júlde bar. Buǵan deıin Ernur Batyrǵalı (60 kelige deıin) altyn medal ıelense, Muhammedáli Jylqaıdar (66 kelige deıin) kúmis medal jeńip aldy. Al Arman Mysa (50 kelige deıin) men Rolan Qaıyrǵalı (66 kelige deıin) qola júldege ıe boldy.

 

Burymdy boksshylar Qytaıda jeńimpaz atandy

Qytaıda bokstan ótken Belt and Road halyqaralyq týrnırinde áıelder qurama komandasy jaqsy nátıje kórsetti.

Halyqaralyq týrnırde áıelder quramasynan Jaına Shekerbekova (54 kg), Rımma Volosenko (60 kg), Valentına Halzova (75 kg), Lázzat Kýngeıbaeva (81 keliden asa salmaq) altyn medal alsa, Sánııa Sultan (54 kg) kúmis, Zere Mahabaı (57 kg), Mádına Nurshaeva (66 kg), Darıǵa Shákimova (66 kg) qola júldeger atandy.

Jastar quramasynan Arnur Rýstem (65 kg), Hamza Maqsatuly (70 kg), Rýslan Ahmetov (90 kg), Vladıslav Samojonov (90 keliden asa salmaq) jeńis tuǵyryna kóterilse, Beıbarys Tájibek (70 kg), Sanjar Seıtkamıt (90 kg) ekinshi, Zýfar Saıtfýdınov (50 kg), Aıdos Úsenov (55 kg), Qajymuqan Kúmisbek úshinshi orynǵa ıe boldy.

Bokstan halyqaralyq týrnırde Qazaqstan quramasy komandalyq esepte birinshi oryn aldy.

 

Aleksandr Býblık AQSh ashyq chempıonatynyń úshinshi aınalymyna shyqty

Qazaqstannyń birinshi, álemniń 24-raketkasy Aleksandr Býblık AQSh ashyq chempıonatynda ekinshi jeńisine jetti.

Ol ekinshi aınalymda álemdik reıtıngide 96-oryndaǵy avstralııalyq Trıstan Skýlkeıtti 6:3, 6:3, 6:3 esebimen jeńdi. Bir saǵat 45 mınýtqa sozylǵan matchta Býblık 16 eıspen birge 6 breık-poınttyń tórteýin paıdalandy.

Aleksandr Býblık úshinshi aınalymda álemniń 14-raketkasy, amerıkalyq Tommı Polmen oınaıdy.

 

US Open: Anna Danılına juptyq synda ekinshi aınalymǵa joldama aldy

Qazaqstannyń juptyq syndaǵy birinshi raketkasy Anna Danılına AQSh ashyq chempıonatyn jeńispen bastady. 

«Úlken dýlyǵa» týrnıriniń 9-raketkalary bolyp tirkelgen A.Danılına pen serbııalyq Aleksandra Krýnıch alǵashqy aınalymda horvatııalyq Antonııa Rýzıch pen nıderlandylyq Bıbıana Shoofspen oınady.

Birinshi partııada Danılına pen Krýnıch 6:1 esebimen jeńdi.

Ekinshi set te dál osyndaı eseppen aıaqtaldy. Esep – 6:1.

Bir saǵat 3 mınýtqa sozylǵan oıynda Qazaqstan men Serbııanyń tennsıshileri 1 eıspen birge 10 breık-poınttyń teń jartysyn qur jibergen joq. Rýzıch pen Shoofs 3 breık-poıntty paıdalana almady.

Anna Danılına men Aleksandra Krýnıchtiń kelesi qarsylastary keıin anyqtalady.

 

Álemniń 10-raketkasy Elena Rybakına barlyq «Úlken dýlyǵa» týrnırinde tórtinshi aınalymǵa ótken alǵashqy Qazaqstan tennısshisi atandy.

Ol AQSh ashyq chempıonatynda óz sporttyq jolynda birinshi ret tórtinshi aınalymǵa shyqty.

Rybakına osyǵan deıin 2022 jyly Ýımbldonda chempıon boldy. 2023 jyly Avstralııa ashyq chempıonatynyń fınalyna deıin jetti. Al «Rolan Garros» týrnırinde eki ret, 2021 jáne 2024 jyldary shırek fınalda oınady.

E.Rybakına AQSh ashyq birinshiliginiń shırek fınalyna shyǵý úshin reıtıngide 60-oryndaǵy chehııalyq, 2023 jylǵy Ýımbldon chempıony Marketa Vondroýshovamen oınaıdy. Ol úshinshi aınalymda álemniń 8-raketkasy, ıtalııalyq Jasmın Paolınıdi 7:6 (7:4), 6:1 esebimen jeńdi.

 

Voleıboldan ÁCh: Qazaqstan jastary Argentınany jeńdi

Qytaıdyń zıanmen qalasynda voleıboldan 21 jasqa deıingiler arasynda ótip jatqan HHIII álem chempıonatynda Qazaqstan quramasynyń kezekti matchy boldy.

Bul joly Sergeı Trıkoz jattyqtyratyn jastar Argentına komandasymen synǵa tústi.

Keshe Qazaqstan quramasy 9-16 oryndar úshin matchta 2:3 esebimen Bolgarııaǵa ese jiberse, Argentına dál sondaı tartysty básekede Japonııadan jeńilip qalǵan edi (2:3).

Qos komandanyń arasyndaǵy búgingi oıyn da sondaı tartysqa toly boldy. Qorytyndy esep — 3:2, Qazaqstannyń paıdasynda. Qazaqstan quraamsy endi 13-oryn úshin talasady.

Bıyl óz tarıhynda alǵash ret álem chempıonatyna qatysyp jatqan Qazaqstan jastar komandasy úshinshi jeńisine jetti. Budan buryn toptyq básekede Qazaqstan komandasy Pýerto-Rıko men Ońtústik Koreıany jeńgen edi.

 

BIIK fýtboldan áıelder arasyndaǵy UEFA Eýropa kýbogyna joldama aldy.

Shymkenttiń komandasy UEFA Chempıondar lıgasynyń birinshi irikteýi kezeńinde úshinshi oryn úshin oıynda Slovakııanyń «Spartak Mııava» komandasynan 2:1 esebimen basym tústi.

Bul jeńis Eýropa kýbogynyń irikteý kezeńinde shyǵýǵa múmkindik beredi.

Endi BIIK klýby týrnırdiń birinshi irikteý kezeńinde oınaıdy. Alǵashqy match 10-11 qyrkúıekte bolsa, ekinshi match 17-18 qyrkúıekke josparlanǵan. Qarsylasy 31 tamyz kúni jerebe tartý rásiminde anyqtalady.

Chempıondar lıgasynyń birinshi irikteýi kezeńinde olar aldymen Slovenııanyń «Katovıe» klýbynan 0:2 esebimen jeńilgen bolatyn.

Sondaı-aq búgin saǵat 18:00-de «Aqtóbe» Danııanyń «Norshelann» komandasymen týrnırde úshinshi oryn úshin saıysqa túsedi. Aqtóbeniń klýby alǵashqy oıynynda Italııanyń «Roma» komandasyna 0:2 esebimen jol berdi.

BIIK komandasy 2009 jyldan beri Chempıondar lıgasynda el namysyn qorǵap keledi. 2017, 2018, 2019 jyldary 1/8 fınalǵa deıin jetti. Shymkenttiń klýby el birinshiliginde 13 márte chempıondyq ataqty jeńip aldy.

Al «Aqtóbe» 2014 jyldan beri el birinshiliginde baq synap júr. 2024 jyly kúmis júldeger atansa, 2018 jyly qola medal alǵan edi. Bıyl eýrokýbok oıyndaryna alǵash ret qatysqaly otyr.