SportPress.kz Qazaqstan sport jańalyqtary
Germanııanyń Inell qalasynda jasóspirimder arasynda ótip jatqan álem chempıonatynda Krıstına Shýmekova úshinshi altyn medalin jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.
Bul joly ol 1000 metr qashyqtyqta 1:16.34 ýaqyt kórsetkishimen qarsylastarynan ozyp, máre syzyǵyn birinshi bolyp kesti.
Sondaı-aq Qazaqstan quramasynyń ózge sportshylary da baq synady. Atap aıtsaq, Anastasııa Belovodova 1:17.99 nátıjesimen jetinshi orynǵa turaqtasa, Varvara Glýhova 32-satydan kórindi. Aızada Rymbek jarysty 34-orynmen aıaqtady.
Buǵan deıin Krıstına Shýmekova 500 jáne 1500 metr qashyqtyqtarynda da top jaryp, eki birdeı altyn júldeni jeńip aldy. Osylaısha, otandasymyz jasóspirimder arasynda úsh dúrkin álem chempıony atanyp otyr.
