Saıypqyran: Úsh jarysta – úsh qola júlde!

Sadaq atýdan Ońtústik Koreıanyń Kvandjý qalasynda ótip jatqan álem chempıonatynda el qorjynyna alǵashqy medal tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Kompaýnd, quralmaly sadaq baǵdarlamasy boıynsha Adel Jeksenbınova, Vıktorııa Lıan, Roksana Iýnýsova bastaǵan komandamyz qola júlde úshin talasta Ulybrıtanııany 232:228 esebimen jeńdi.

Osyǵan deıin el tarıhynda 1993 jyly klassıkalyq sadaq atýdan áıelder saıysynda Iana Týnııan qola júldeger atanǵan.

Erkinbek Baıtóreev úshinshi oryndy ıelendi

Avstrııanyń Zalbýrg qalasynda A serııasyndaǵy jarys bolyp jatyr.

Qazaqstan quramasy qorjynyna alǵashqy júldeni kýmıte baǵdarlamasynda 67 kg deıingi salmaqta Erkinbek Baıtóreev saldy. Ol úshinshi oryn úshin jekpe-jekte Kıpr sportshysy Loızıdes Panaıotısti jeńdi.

Ulttyq qurama sportshysy toptyq kezeńde Djed Tompsondy (Anglııa), Rýfını Samýeleni (Italııa), Dıego Nýnes Rıbeırony (Portýgalııa), Aleksandr Gýırandy (Franııa) jeńdi.

Sodan keıin shırek fınalda Dzıýda Domınıkten (Polsha) basym túsip, jartylaı fınalda Gýseın Mamedlıge (Ázerbaıjan) 7:8 esebimen jeńildi.

Erkinbek Baıtóreev bıyl kóktemde Aqtaý qalasynda ótken eresekter arasyndaǵy Qazaqstan chempıonatynda top jarǵan.

Búgin Zalbýrgte sońǵy jarys kúni bolady. Ulttyq qurama sapynda kata jáne kýmıte baǵdarlamasynda barlyǵy 18 sportshy attandy.

Danıl Vasılev FIS kýbogynda medal aldy

Búgin Danıl Vasılev shańǵymen tuǵyrdan sekirýden Slovenııanyń Lıýbno-ob-Savını eldi mekeninde ótken FIS kýbogynda úshinshi oryn aldy.

Ulttyq qurama kóshbasshysy 250,7 upaı jınap, qola júldeger atandy. Búgingi nátıje (tramplın K-90):

1. Adam Nıjnık (Polsha) – 268,3 ball
2. Eneı Faletıch (Slovenııa) — 266,1
3. Danıl Vasılev — 250,7

Danıl Vasılev keshe jarysty úzdik bestikte aıaqtaǵan (275.0 upaı). Al birneshe apta buryn Polshanyń Vısla qalasyndaǵy jazǵy Álem kýbogynda ekinshi oryn alyp, tarıhı nátıje tirkegen.

Barlyǵy Slovenııadaǵy básekede 20-ǵa jýyq elden 72 shańǵyshy ózara synǵa tústi.